കോഴിക്കോട്: വന്ദേഭാരത് ട്രെയിൻ തട്ടി സ്ത്രീ മരിച്ചു. കോഴിക്കോട് കൊയിലാണ്ടിയില്‍ ഇന്ന് രാവിലെ 8.40നായിരുന്നു സംഭവം. കൊയിലാണ്ടിയിലൂടെ ട്രെയിൻകടന്നുപോകുന്നതിനിടെ മേല്‍പ്പാലത്തിനടിയില്‍ വച്ചായിരുന്നു അപകടം. ആളെ തിരിച്ചറിയാൻ പറ്റാത്ത വിധം ചിന്നി ചിതറിയ നിലയിലാണ്.
Advertisements
മൃതദേഹം കൊയിലാണ്ടി താലൂക്ക് ആശുപത്രി മോർച്ചറിയിലേക്ക് മാറ്റി. ഇതിന് മുമ്പും വന്ദേഭാരത് ട്രെയിൻ തട്ടി കോഴിക്കോട്ട് നിരവധിപേർ മരിച്ചിട്ടുണ്ട്. തിരുവനന്തപുരത്ത് നിന്ന് കാസർകോടേക്ക് പോയ വന്ദേഭാരത് തട്ടി കോഴിക്കോട് ചക്കുംകടവ് സ്വദേശി അബ്ദുള്‍ ഹമീം കുറച്ച്‌ ദിവസങ്ങള്‍ക്ക് മുമ്പാണ് മരിച്ചത്. ചക്കുംകടവില്‍ റെയില്‍വെ പാളം കടക്കുന്നതിനിടെ ആയിരുന്നു അപകടം. കോഴിക്കോട് എലത്തൂരിലും ഒരാള്‍ മരിച്ചിരുന്നു.
