പാലക്കാട്: കൊഴിഞ്ഞാംപാറയില്‍ വിമത നേതാക്കള്‍ക്കൊപ്പം ചേർന്ന ഡിവൈഎഫ്ഐ മുൻ ഭാരവാഹികളെ പ്രാഥമികാംഗത്വത്തില്‍ നിന്ന് പുറത്താക്കി. കൊഴിഞ്ഞാംപാറ ഡിവൈഎഫ്ഐ മേഖല പ്രസിഡൻറും സെക്രട്ടറിയുമായിരുന്ന സദ്ദാം ഹുസൈൻ, മനോജ് കുമാർ എന്നിവരെയാണ് പുറത്താക്കിയത്. ചിറ്റൂർ ബ്ലോക്ക് കമ്മിറ്റിയുടെ നടപടിക്ക് ജില്ലാ കമ്മറ്റി അംഗീകാരം നല്‍കി.
Advertisements
പ്രസിഡൻറും സെക്രട്ടറിയും വിമതർക്കൊപ്പം ചേർന്നതോടെ പുതിയ ഭാരവാഹികളെ കണ്‍വെൻഷൻ വിളിച്ച്‌ ഡിവൈഎഫ്ഐ തെരഞ്ഞെടുത്തിരുന്നു. പുതിയ സെക്രട്ടറിയായി മുഹമ്മദ് അസാറുദ്ദീനെയും പ്രസിഡൻറായി ദിലീപിനെയുമായിരുന്നു തെരഞ്ഞെടുത്തത്.
