കുറവിലങ്ങാടിനെ ദുഖത്തിലാഴ്ത്തിയ കൊടെക്കനാൽ ദുരന്തത്തിന് നാളെ 48 ആണ്ട്

കുറവിലങ്ങാട് : കുറവിലങ്ങാടിനെയാകെ ദുഃഖത്തിലാഴ്ത്തി 18 പേരുടെ ജീവനെടുത്ത കൊടൈക്കനാല്‍ ദുരന്തത്തിന് നാളെ 48 വർഷം തികയും. കുറവിലങ്ങാടിന്റെ പ്രിയപ്പെട്ടവരായിരുന്ന 18 പേരെ ബസപകടത്തിന്റെ രൂപത്തിലെത്തി മരണം തട്ടിയെടുത്തത് 1976 മെയ് 8 ന് ആയിരുന്നു. ഇവർക്ക് വേണ്ടിയുള്ള പ്രത്യേക അനുസ്മ​ര​ണ ശു​ശ്രൂ​ഷ​ക​ൾ നാളെ കുറവിലങ്ങാട് മേ​ജ​ർ ആ​ർ​ക്കി​എ​പ്പി​സ്കോ​പ്പ​ൽ മർ​ത്ത്മ​റി​യം അ​ർ​ക്ക​ദി​യാ​ക്കോ​ൻ തീർത്ഥാടന ദേവാല​യ​ത്തി​ൽ ന​ട​ക്കും. രാ​വി​ലെ 7.30ന് വി​ശു​ദ്ധ കുർ​ബാ​നയും തുടർന്ന് പുന:രുത്ഥാനപൂന്തോട്ടത്തിൽ പ്രത്യേക പ്രാർത്ഥനകളും നടത്തും. തു​ട​ർ​ന്ന് സെ​ഹി​യോ​ൻ ഹാ​ളി​ൽ അനുസ്മരണ സ​മ്മേ​ള​നം.
ആ​ർ​ച്ച്പ്രീ​സ്റ്റ് റ​വ.​ഡോ. അ​ഗ​സ്റ്റി​ൻ കൂ​ട്ടി​യാ​നി​യി​ൽ അ​നു​സ്മ​ര​ണ പ്ര​ഭാ​ഷ​ണം നടത്തും.

പാ​ലാ രൂ​പ​ത​യി​ലെ മി​ക​ച്ച വി​ശ്വാ​സ​പ​രി​ശീ​ല​ക​നു​ള്ള അ​വാ​ർ​ഡും ഫൊ​റോ​ന​യി​ലെ വി​ശ്വാ​സ​പ​രി​ശീ​ല​ക​രു​ടെ മ​ക്ക​ൾ​ക്കു​ള്ള എ​സ്എ​സ്എ​ൽ​സി കാ​ഷ് അ​വാ​ർ​ഡു​ക​ളൂം സ​മ്മാ​നി​ക്കും. 1976 മേ​യ് 7 ന് കു​റ​വി​ല​ങ്ങാ​ട് ഇടവകയിലെ വിശ്വാസ പരിശീലകരായ 43 അദ്ധ്യാപകരും 3 വൈ​ദി​ക​രും ഒരു വൈദിക വിദ്യാർത്ഥിയും രണ്ട് ബസ് ജീവനക്കാരും ഉൾപ്പെട്ട 49 അംഗ സംഘം ആണ് അപകടത്തിൽപെട്ടത്. സംഘം യാ​ത്ര പു​റ​പ്പെ​ട്ട് തേ​ക്ക​ടി, മ​ധു​ര മു​ത​ലാ​യ സ്ഥ​ല​ങ്ങ​ൾ സ​ന്ദ​ർ​ശി​ച്ച് പി​റ്റേ​ന്ന് ഉച്ച​ക​ഴി​ഞ്ഞ് കൊ​ടൈ​ക്ക​നാ​ലെ​ത്തി, അ​വി​ടു​ത്തെ കാഴ്ച​ക​ൾ ക​ണ്ട് നാ​ട്ടി​ലേ​ക്ക് തി​രി​ച്ചു വരുംവഴി ഡം​ഡം പാ​റ എ​ന്ന സ്ഥ​ല​ത്തു​വ​ച്ച് ബ​സ് 600 അ​ടി​യോ​ളം താഴ്ച​യി​ലേ​ക്ക് മ​റി​ഞ്ഞ് അ​പ​ക​ട​ത്തി​ൽ​പ്പെ​ടു​ക​യാ​യി​രു​ന്നു. റോഡരികിലെ മതില്‍ ഇടിച്ചുതകര്‍ത്ത ബസ് തലകുത്തനെ കൊക്കയിലേക്ക് മറിയുകയായിരുന്നു. വൈകുന്നേരം അഞ്ചരയോടെ അപകടത്തില്‍പ്പെട്ടവരെ റോഡിലെത്തിച്ചപ്പോള്‍ രാത്രി 11 കഴിഞ്ഞിരുന്നു. കിഴുക്കാംതൂക്കായ പാറക്കെട്ടുകള്‍ക്കിടയില്‍ വീണ് എല്ലാവർക്കും ദേഹമാസകലം ഗുരുതരമായി പരിക്കേറ്റിരുന്നു.
ര​ണ്ട് വൈ​ദി​ക​രും, 16 സൺഡേ സ്‌കൂൾ അദ്ധ്യാപകരും അപകടത്തിൽ മ​രി​ച്ചു.

റവ.ഫാ. പോള്‍ ആലപ്പാട്ട്, റവ.ഫാ. മാത്യു പട്ടരുമഠം, വി.കെ.ഐസക് വാക്കയില്‍, കെ.എം.ജേക്കബ് കാരാംവേലില്‍, എം.എം.ജോണ്‍ കൂഴാമ്പാല, എം.എം. ജോസഫ് കൂഴാമ്പാല, കെ.എം.ജോസഫ് കൊച്ചുപുരയ്ക്കല്‍, ടി.എം.ലൂക്കോസ് താന്നിക്കപ്പുഴ, കെ.ഡി. ജോര്‍ജ് കൂനംമാക്കീല്‍, കെ.ഡി. വര്‍ക്കി കൊള്ളിമാക്കിയില്‍, സി.കെ.വര്‍ക്കി ചിറ്റംവേലില്‍, പി.എം.ജോസഫ് പുന്നത്താനത്ത്, ടി.ഒ. മാത്യു തേക്കുങ്കല്‍, സെബാസ്റ്റ്യന്‍ ചിങ്ങംതോട്ട്, കെ.എം. കുര്യന്‍ കരോട്ടെകുന്നേല്‍, വര്‍ക്കി മുതുകുളത്തേല്‍, ദേവസ്യ പൊറ്റമ്മേല്‍, ജോസഫ് പുല്ലംകുന്നേല്‍ എന്നിവരാണ് അപകടത്തില്‍ മരണപ്പെട്ടത്.
കുറവിലങ്ങാട് പള്ളിയിലെ പുനരുത്ഥാനപൂന്തോട്ടത്തിൽ പ്രത്യേകം തയ്യാറാക്കിയ സ്ഥലത്താണ് കൊടൈക്കനാലിൽ പൊലിഞ്ഞവരുടെ മൃ​തദേഹ​ങ്ങ​ൾ സംസ്കരിച്ചിട്ടുള്ളത്.