ന്യൂസ് ഡെസ്ക് : നാരങ്ങവെള്ളം ഉണ്ടാക്കി കുടിച്ച്‌ കഴിഞ്ഞാല്‍ പലപ്പോഴും അതിന്റെ തൊണ്ട് ദൂരേയ്ക്ക് വലിച്ച്‌ കളയുകയാണ് പതിവ്. കാരണം, നാരങ്ങയുടെ നീരിന് മാത്രമാണ് നമ്മള്‍ അധികവും പ്രധാന്യം നല്‍കുക.അത് കഴിച്ചാല്‍ മാത്രമാണ് ഗുണം ലഭിക്കുക എന്നതാണ് നമ്മളുടെ വിശ്വാസം. എന്നാല്‍ ഈ നാരങ്ങയുടെ തൊലി കളയാതെ വെച്ചാല്‍ നമ്മള്‍ക്ക് പല ആവശ്യങ്ങള്‍ക്ക് ഉപയോഗിക്കാൻ സാധിക്കും. അവ എന്തെല്ലാമെന്ന് നോക്കാം.
പാത്രങ്ങളിലെ മണം
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മീൻ കറി വെച്ചാല്‍, അല്ലെങ്കില്‍ ചിക്കൻ പോലെയുള്ള മീറ്റ് ഐറ്റംസ് കറി വെച്ച്‌ കഴിഞ്ഞാല്‍ പാത്രങ്ങളിലും അതുപോലെ തന്നെ അത് ഇളക്കാൻ ഉപയോഗിച്ച തവിയിലും മണം നില്‍ക്കും. പ്രത്യേകിച്ച്‌ മരത്തിന്റെ തവിയാണ് ഉപയോഗിച്ചതെങ്കില്‍ തീര്‍ച്ചയായും തവിയിലും അതുപോലെ തന്നെ പാത്രത്തിലും മണം നിലനില്‍ക്കാൻ സാധ്യത കൂടുതലാണ്. ഇത് കുറയ്ക്കാൻ നാരങ്ങയുടെ തൊണ്ട് ഉപയോഗിക്കുന്നത് നല്ലതാണ്. കഴുകാൻ വെച്ചിരിക്കുന്ന പാത്രത്തില്‍ കുറച്ച്‌ ഡിഷ് വാഷ് ലിക്വിഡ് ഒഴിക്കുക. അതിന് ശേഷം നാരങ്ങയുടെ തൊലിയുടെ ഉള്‍ഭാഗം കൊണ്ട് ഈ ലിക്വിഡ് പാത്രത്തിന്റെ എല്ലാ ഭാഗത്തും ആക്കി നന്നായി സ്‌ക്രബ് ചെയ്ത് എടുക്കണം. അതിന് ശേഷം നിങ്ങള്‍ക്ക് ചെറുചൂടുവെള്ളത്തില്‍ പാത്രങ്ങള്‍ കഴുകി എടുക്കാവുന്നതാണ്. ഇത് പാത്രത്തില്‍ നിന്നും കറികള്‍ വെച്ച മണം വേഗത്തില്‍ തന്നെ നീക്കം ചെയ്യുന്നതിന് സഹായിക്കുന്നതാണ്.
പ്യൂരിഫയര്‍
നാരങ്ങയ്ക്ക് നല്ല പോസറ്റീവ് സ്മെല്‍ ആണ് ഉള്ളത്. ഇത് ഒരിക്കലും മടുപ്പിക്കുന്നതോ, അതുപോലെ, തലവേദന ഉണ്ടാക്കുന്നതോ അല്ല.അതുപോലെ അന്തരീക്ഷത്തില്‍ നിലനില്‍ക്കുന്ന ദുര്‍ഗന്ധം ആഗിരണം ചെയ്ത് എയര്‍ ഫ്രഷ് ആക്കി നിലനിര്‍ത്താൻ ഇത് സഹായിക്കുന്നുണ്ട്. അതിനാല്‍, നാരങ്ങയുടെ തൊണ്ട് നിങ്ങള്‍ക്ക് വീടിന്റെ മൂലയ്ക്ക് അല്ലെങ്കില്‍ അടുക്കളയുടെ ഒരു കോണറില്‍ വെക്കാവുന്നതാണ്. ഇതല്ലെങ്കില്‍ കുറച്ച്‌ വെള്ളത്തില്‍ നാരങ്ങയുടെ തൊണ്ട് ഇട്ട് തിളപ്പിക്കുക. ഒപ്പം കുറച്ച്‌ കര്‍പ്പുരവും ചേര്‍ക്കുന്നത് നല്ലതാണ്. ഇത് നന്നായി തിളപ്പിച്ച്‌ ഒരു പകുതി വരെ വറ്റിച്ച്‌ കഴിയുമ്പോള്‍ അരിച്ച്‌ ഒരു സപ്രേറ്റ് ബോട്ടിലില്‍ ആക്കി എയര്‍ ഫ്രഷ്നറായി നിങ്ങള്‍ക്ക് ഉപയോഗിക്കാവുന്നതാണ്. മനസ്സ് ഫ്രഷ് ആക്കാൻ ഇത്തരം നാച്വറല്‍ എയര്‍ ഫ്രഷ്നര്‍ സഹായിക്കുന്നതാണ്.
കറ
കറകളയാൻ നാരങ്ങ നല്ലതാണ്. ഇതിന് നാരങ്ങയുടെ നീര് തന്നെ വേണം എന്നില്ല, നാരങ്ങയുടെ തൊണ്ട് ഉപയോഗിച്ചും നിങ്ങള്‍ക്ക് വസ്ത്രങ്ങളിലെ കറ കളയാൻ സാധിക്കുന്നതാണ്. കറപിടിച്ച ഭാഗത്ത് ആദ്യം തന്നെ കുറച്ച്‌ ഉപ്പ് ഇടുക. അതിന് ശേഷം നിങ്ങള്‍ നാരങ്ങയുടെ തൊണ്ട് ഉപയോഗിച്ച്‌ നന്നായി ഉരയ്ക്കുക. നിറം മാറുന്നത് കാണാൻ സാധിക്കും. അതിന് ശേഷം കുറച്ച്‌ സോപ്പും പൊടിയും ചേര്‍ത്ത് പതുക്കെ ഉരയ്ക്കുക. അതിന് ശേഷം നിങ്ങള്‍ക്ക് നല്ല നോര്‍മല്‍ വെള്ളത്തില്‍ കഴുകി എടുക്കാവുന്നതാണ്. ഇത് വസ്ത്രങ്ങളില്‍ നിന്നും കറ കളയാൻ സഹായിക്കും.
കൈകളിലെ മണം
ചിലപ്പോള്‍ ചില ആഹാരം കഴിച്ച്‌ കഴിയുമ്ബോള്‍ കൈകളില്‍ അമിതമായി മണം നിലനില്‍ക്കുന്നത് കാണാം.പ്രത്യേകിച്ച്‌ ബിരിയാണി കഴിച്ച്‌ കഴിഞ്ഞാല്‍ കൈകളില്‍ നല്ലപോലെ നെയ്യിന്റേയും മസാലയുടേയും മണം നിലനില്‍ക്കും. ഇത് ഒഴിവാക്കാൻ നിങ്ങള്‍ക്ക് നാരങ്ങ ഉപയോഗിക്കവുന്നതാണ്. ഇതിനായി ചെറുചൂടുവെള്ളത്തില്‍ നാരങ്ങയുടെ തൊണ്ട് ഇടുക. ഇതില്‍ കൈ ഇട്ട് നാരങ്ങ കൊണ്ട് നന്നായി സ്‌ക്രബ് ചെയ്ത് കഴുകി എടുക്കാവുന്നതാണ്. ഇത് കൈകളില്‍ നിന്നും ആഹാരത്തിന്റെ മണം നീക്കം ചെയ്യാൻ സഹായിക്കുന്നതാണ്.
ചര്‍മ്മം
ചര്‍മ്മത്തില്‍ നിന്നും മൃതകോശങ്ങള്‍ നീക്കം ചെയ്യുന്നതിനും അതുപോലെ തന്നെ ബ്ലാക്ക് ഹെഡ്സ്, വൈറ്റ് ഹെഡ്സ് എന്നിവ നീക്കം ചെയ്യുന്നതിനും നാരങ്ങ നല്ലതാണ്. ഇതിനായി നാരങ്ങ ചെറുതേനില്‍ മുക്കി നാരങ്ങയുടെ തൊണ്ട് കൊണ്ട് മുഖത്ത് പതുക്കെ സ്‌ക്രബ് ചെയ്ത് കൊടുക്കാവുന്നതാണ്. ഇത്തരത്തില്‍ വട്ടത്തില്‍ മസാജ് ചെയ്യുന്നത് പോലെ നാരങ്ങ കൊണ്ട് ചെയ്യുന്നത് നല്ലതാണ്.
രണ്ട് സെക്കന്റ് ഒന്ന് മസാജ് ചെയ്തതിന് ശേഷം ഒരു 15 മിനിറ്റ് റെസ്റ്റ് ടൈം കൊടുക്കുക. അതിന് ശേഷം സാധാ വെള്ളത്തില്‍ നിങ്ങള്‍ക്ക് മുഖം കഴുകി എടുക്കാവുന്നതാണ്. അതിന് ശേഷം മുഖം തുടച്ച്‌ നല്ല മോയ്സ്ച്വറൈസര്‍ പുരട്ടുക. ഇത് ചര്‍മ്മത്തിന് നല്ല തിളക്കം നല്‍കാനും മുഖം നല്ല ക്ലീനാക്കി നിലനിര്‍ത്താനും സഹായിക്കും. ആഴ്ച്ചയില്‍ ഒരു ദിവസം വീതം നിങ്ങള്‍ക്ക് ഇത് ചെയ്യാവുന്നതാണ്. എന്നും വൈകീട്ട് കിടക്കുന്നതിന് മുൻപ് ചെയ്യുന്നത് വളരെ നല്ലതാണ്.
