സ്പോർട്സ് ഡെസ്ക്ക് : ലയണല്‍ മെസ്സി ഇല്ലാതെ ഇറങ്ങിയ ഇന്റര്‍ മയാമി അവരുടെ വിജയമില്ലാത്ത യാത്ര തുടരുന്നു. ഇന്ന് ഷാര്‍ലൊറ്റിനെ നേരിട്ട മയാമി 2-2ന്റെ സമനില വഴങ്ങി.ഇത് തുടര്‍ച്ചയായ ആറാം മത്സരത്തിലാണ് ഇന്റര്‍ മയാമിക്ക് വിജയിക്കാൻ ആവാതെ കളി അവസാനിപ്പിക്കേണ്ടി വരുന്നത്. കോപെറ്റിന്റെ ഗോളിലൂടെ 45ആം മിനുട്ടില്‍ സന്ദര്‍ശകര്‍ ആണ് ലീഡ് എടുത്തത്. നിമിഷ നേരം കൊണ്ട് സ്റ്റെഫനലിയിലൂടെ മയാമി സമനില കണ്ടു.
രണ്ടാം പകുതിയുടെ തുടക്കത്തില്‍ കാല്‍ഡറനിലൂടെ ഷാര്‍ലറ്റ് വീണ്ടും ലീഡ് എടുത്തു. 84ആം മിനുട്ടില്‍ റോബിൻസന്റെ ഗോള്‍ മയാമിക്ക് സമനില നല്‍കി എങ്കിലും വിജയത്തില്‍ എത്താൻ ആയില്ല. അര്‍ജന്റീനക്ക് ഒപ്പം ഇന്നലെ പെറുവിനെ നേരിട്ട ലയണല്‍ മെസ്സി ഇന്ന് മയാമിയുടെ മത്സരം കാണാൻ ഗ്യാലറിയില്‍ ഉണ്ടായിരുന്നു. ഇനി മയാമിക്ക് ഈ സീസണ്‍ ലീഗില്‍ ഒരു മത്സരം കൂടിയെ ബാക്കിയുള്ളൂ. അവരുടെ പ്ലേ ഓഫ് സാധ്യതകള്‍ നേരത്തെ തന്നെ അവസാനിച്ചിരുന്നു.
