മലപ്പുറം: എടപ്പാളില്‍ ചാർജ് ചെയ്യാൻ വെച്ച ടോർച്ച്‌ പൊട്ടിത്തെറിച്ച്‌ വീടിൻ്റെ കിടപ്പ് മുറിക്ക് തീ പിടിച്ച്‌ നാശനഷ്ടം. ഇന്ന് രാവിലെ എട്ടരയോടെയാണ് സംഭവം. നടക്കാവ് കാലടി റോഡിലെ വലിയ പീടിയേക്കല്‍ ഫാരിസിൻ്റെ വീട്ടില്‍ ചാർജിനിട്ട ടോർച്ച്‌ പൊട്ടിത്തെറിക്കുകയായിരുന്നു. അപകട സമയത്ത് വീട്ടുകാരെല്ലാം പുറത്തായതിനാല്‍ അപകടം ഒഴിവായി.
Advertisements
നാട്ടുകാരും പിന്നീട് പൊന്നാനിയില്‍ നിന്നെത്തിയ അഗ്നിശമന സേനയും ചേര്‍ന്നാണ് തീയണച്ചത്. കിടപ്പുമുറിയിലുണ്ടായിരുന്ന മുഴുവൻ സാമഗ്രികളും കത്തിനശിച്ചു. മൂന്ന് ലക്ഷം രൂപയുടെ നാശങ്ങള്‍ സംഭവിച്ചതായാണ് പ്രാഥമിക വിലയിരുത്തല്‍.
