മലപ്പുറം: പൂക്കോട്ടുംപാടത്ത് അടച്ചിട്ട വീട്ടില്‍ കവർച്ച. 42 പവൻ സ്വർണ്ണാഭരണങ്ങളും 10,000 രൂപയും ക്യാമറയും കവർന്നു. മഞ്ചപുള്ളി കുഞ്ഞുമൊയ്തീന്റെ വീട്ടിലാണ് മോഷണം നടന്നത്. അടുക്കള വാതില്‍ കമ്പിപാര ഉപയോഗിച്ച്‌ കുത്തി തുറന്നാണ് മോഷ്ടാക്കള്‍ അകത്തു കയറിയത്.
Advertisements
തുടർന്ന് മേശ തകർത്ത് സ്വർണ്ണം മോഷ്ടിച്ചു. മോഷണത്തിന് ഉപയോഗിച്ച ആയുധങ്ങള്‍ ഉപേക്ഷിച്ച നിലയില്‍ വീട്ടില്‍ നിന്നും കണ്ടെടുത്തു. നാല് മാസം മുൻപ് വഴിക്കടവും സമാന രീതിയില്‍ വീട്ടില്‍ മോഷണം നടന്നിരുന്നു. അടച്ചിട്ട വീട് കുത്തിതുറന്ന് മോഷണം നടത്തുന്ന പ്രതികളെ കേന്ദ്രീകരിച്ച്‌ പൊലീസ് അന്വേഷണം തുടങ്ങിയിട്ടുണ്ട്.
