മലപ്പുറം: മലപ്പുറം വളയംകുളത്ത് അടച്ചിട്ട വീട് കുത്തി തുറന്ന് കവര്‍ച്ച. നാലര പവന്‍ സ്വര്‍ണ്ണവും 60,000 രൂപയും കവര്‍ന്നു. ചങ്ങരംകുളം പൊലീസ് അന്വേഷണം ആരംഭിച്ചു. വളയംകുളം സ്വദേശി ചെറുകര റഫീഖിന്റെ വീട്ടിലാണ് മോഷണം നടന്നത്. ഇന്നലെ രാത്രി പൊന്നാനിയിലെ ബന്ധുവീട്ടിലേക്ക് പോയതായിരുന്നു റഫീഖും കുടുംബവും. പുലർച്ചെ തിരിച്ചെത്തിയപ്പോഴാണ് വീടിന്റെ മുൻവശത്തെ വാതില്‍ തുറന്നിട്ട നിലയിലും വീട്ടില്‍ നിന്ന് രണ്ട് പേർ വീട്ടില്‍ നിന്ന് ഇറങ്ങി ഓടുന്നതും കണ്ടത്.
Advertisements
അലമാരകള്‍ തുറന്ന് വസ്ത്രങ്ങള്‍ വാരി വലിച്ചിട്ട നിലയില്‍ ആണ്. മോഷ്ടാക്കള്‍ വന്നു എന്ന് സംശയിക്കുന്ന ബൈക്ക് പൊലീസ് കസ്റ്റഡിയില്‍ എടുത്തിട്ടുണ്ട്. ചങ്ങരംകുളം പൊലീസ് കേസ് എടുത്ത് അന്വേഷണം ആരംഭിച്ചു.
