താര ദമ്പതികളായ ജയറാമിന്റെയും പാർവതിയുടെയും മകൾ മാളവികയുടെ വിവാഹ നിശ്ചയം കഴിഞ്ഞു. വിവാഹ നിശ്ചയ വിഡിയോയും ചിത്രങ്ങളും സമൂഹമാധ്യമങ്ങളിൽ ശ്രദ്ധനേടുകയാണ്. കാളിദാസും താരിണിയും ചേർന്നാണ് മാളവികയെ വേദിയിലേക്ക് എത്തിച്ചത്. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്.
ലെഹങ്കയാണ് മാളവികയുടെ വേഷം. ക്രീം നിറത്തിലുള്ള ലെഹങ്കയിൽ മെറൂൺ നിറത്തിലുള്ള പൂക്കൾ തുന്നിപ്പിടിപ്പിച്ചിട്ടുണ്ട്. കാളിദാസിന്റെ വധു തരിണി അടക്കമുള്ളവരും വിവാഹ നിശ്ചയ വീഡിയോയിൽ ഉണ്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സമീപകാലത്താണ് മാളവിക താൻ പ്രണയത്തിലാണെന്ന് വെളിപ്പെടുത്തിയത്. കാമുകന്റെ മുഖം കാണിക്കാതെയായിരുന്നു ആദ്യം മാളവിക തന്റെ പ്രണയം വെളിപ്പെടുത്തിയത്. ഒരാളുടെ കൈ കോർത്ത് നിൽക്കുന്നതായിരുന്നു ചിത്രം. ഇതിന് താഴെ അളിയാ എന്ന് വിളിച്ച് കാളിദാസ് കമന്റിടുകയായിരുന്നു.
അതേസമയം, അടുത്തിടെയാണ് കാളിദാസും താരിണിയും തമ്മിലുള്ള വിവാഹ നിശ്ചയം കഴിഞ്ഞത്. സമാനമായ രീതിയിലാണ് ചടങ്ങുകൾ അന്നും നടന്നത്.
അഭിനയലോകത്തേക്ക് അടുത്തിടെ ചുവടുവെച്ചിരുന്നു മാളവിക. ‘മായം സെയ്‌തായ് പൂവേ..’ എന്ന മ്യൂസിക്കൽ വിഡിയോയിലാണ് മാളവിക വേഷമിട്ടത്. അശോക് സെൽവനാണ് നായകനായി എത്തുന്നത്. വിദേശത്ത് പഠനം പൂർത്തിയാക്കി എത്തിയ മാളവിക, ഒട്ടേറെ പരസ്യ ചിത്രങ്ങളിലും ഫോട്ടോഷൂട്ടുകളിലും മോഡലായി എത്തിയിരുന്നു.
