ന്യൂസ് ഡെസ്ക് : മിന്നൽ മുരളിയുടെ സ്പീഡ് പരീക്ഷിച്ച് യുവരാജ് സിംഗ് . അമേരിക്കന്‍ സൂപ്പര്‍ഹീറോ ആകുന്നതിന് മുരളിയുടെ സ്പീഡ് ടെസ്റ്റ് ചെയ്യാൻ യുവരാജ് സിംഗ് എത്തുന്ന വീഡിയോ ആണ് നെറ്റ് ഫ്ളിക്സ് ഇപ്പോൾ പുറത്തിറക്കിയിരിക്കുന്നത്. അമേരിക്കന്‍ സൂപ്പര്‍ഹീറോ ആകുന്നതിന് റെസ്‍ലിങ് താരം ദി ഗ്രേറ്റ് ഖാലിയുടെ ടെസ്റ്റില്‍ പങ്കെടുക്കുന്ന മിന്നല്‍ മുരളിയുടെ വീഡിയോ ആദ്യം നെറ്റ്ഫ്ലിക്സ് പുറത്തുവിട്ടിരുന്നു.
ടൊവിനോ തോമസിനെ നായകനാക്കി ബേസില്‍ ജോസഫ് സംവിധാനം ചെയ്യുന്ന ചിത്രം മിന്നല്‍ മുരളിക്കായി പ്രതീക്ഷയോടെ കാത്തിരിക്കുകയാണ് ആരാധകര്‍. ചിത്രത്തെക്കുറിച്ച്‌ പ്രഖ്യാപിച്ചപ്പോള്‍ മുതല്‍ ഉണ്ടായ അതേ ആവേശം തന്നെയാണ് ട്രയിലര്‍ ഇറങ്ങിയപ്പോഴും ഉണ്ടായത്. റിലീസ് ചെയ്ത് മണിക്കൂറുകള്‍ക്കുള്ളില്‍ തന്നെ ട്രെന്‍ഡിങ് ആയ ട്രയിലര്‍ ഏറ്റവും അധികം ലൈക്ക് ലഭിച്ച ട്രയിലര്‍ എന്ന റെക്കോഡാണ് സ്വന്തമാക്കിയത്. ഒരു കോടിയിലേറെ ആളുകളാണ് ഇതുവരെ മിന്നല്‍ മുരളിയുടെ ആദ്യ ട്രയിലര്‍ കണ്ടത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ടൊവിനോ മിന്നല്‍ മുരളി എന്ന സൂപ്പര്‍ഹീറോ ആയി എത്തുന്ന ചിത്രം ഡിസംബര്‍ 24ന് നെറ്റ്ഫ്ലിക്സിലൂടെയാണ് പ്രേക്ഷകരിലേക്കെത്തുന്നത്. വീക്കെന്‍ഡ് ബ്ലോക്ക്ബസ്റ്റേഴ്സിന്‍റെ ബാനറില്‍ സോഫിയ പോള്‍ ആണ് മിന്നല്‍ മുരളി നിര്‍മിക്കുന്നത്. ഡിസംബര്‍ 16ന് ചിത്രത്തിന്‍റെ പ്രീമിയര്‍ ജിയോ മാമി ഫെസ്റ്റിവലില്‍ വെച്ച്‌ നടത്തിയിരുന്നു.
ഗോദക്ക് ശേഷം ടോവിനോ തോമസ് – ബേസില്‍ ജോസഫ് കൂട്ടുകെട്ട് വീണ്ടും ഒന്നിക്കുന്ന ചിത്രം കൂടിയാണിത്. മിന്നല്‍ മുരളിക്കായി ക്യാമറ ചലിപ്പിക്കുന്നത് സമീര്‍ താഹിര്‍ ആണ്. ചിത്രത്തിലെ രണ്ടു വമ്ബന്‍ സംഘട്ടനങ്ങള്‍ സംവിധാനം ചെയ്യുന്നത് ബാറ്റ്മാന്‍, ബാഹുബലി, സുല്‍ത്താന്‍ തുടങ്ങിയ ചിത്രങ്ങള്‍ക്ക് പിന്നില്‍ പ്രവര്‍ത്തിച്ച വ്ലാഡ് റിംബര്‍ഗാണ്. മനു ജഗത് കഥയും അരുണ്‍ അനിരുദ്ധന്‍, ജസ്റ്റിന്‍ മാത്യു എന്നിവര്‍ രചനയും നിര്‍വഹിക്കുന്നു. വി എഫ് എക്സിന് ഏറെ പ്രാധാന്യമുള്ള ചിത്രത്തിന്‍റെ വി എഫ് എക്‌സ് സൂപ്പര്‍വൈസ് ചെയ്യുന്നത് ആന്‍ഡ്രൂ ഡിക്രൂസാണ്. 90കളിലെ ഒരു സാധാരണ മനുഷ്യന്‍ ഇടിമിന്നലേറ്റ് അമാനുഷികനായി തീരുന്നതാണ് ചിത്രത്തിന്‍റെ പ്രമേയം. മലയാളം, തമിഴ്, തെലുങ്ക്, കന്നഡ, ഹിന്ദി എന്നിങ്ങനെ അഞ്ച് ഭാഷകളിലാണ് ചിത്രം എത്തുന്നത്
