സിനിമ ഡെസ്ക് : ഇത് ഇപ്പോൾ മമ്മൂട്ടി കാലമാണ്. അതെ മലയാളത്തിന്റെ മെഗാസ്റ്റാർ മമ്മൂട്ടി. തന്റെ പുതിയ സിനിമകളിലൂടെയും, കഥാപാത്രങ്ങളിലൂടെയും വീണ്ടും വീണ്ടും ഞെട്ടിച്ചു കൊണ്ടിരിക്കുകയാണ് ഇപ്പോൾ മമ്മൂട്ടി. ഇപ്പോഴിതാ പുതിയ വൈറല്‍ ലുക്കില്‍ എത്തി ആരാധകരെ ആവേശം കൊള്ളിക്കുകയാണ് മലയാളത്തിന്റെ പ്രിയപ്പെട്ട മമ്മൂട്ടി. ഇപ്പോഴിതാ താരത്തിന്റെ ഏറ്റവും പുതിയ ലുക്കാണ് സോഷ്യല്‍മീഡിയ കയ്യടക്കിയിരിക്കുന്നത്.സിംഗപ്പൂരില്‍ നിന്നുമുള്ളതാണ് ഫോട്ടോ. തൊപ്പിയും പാന്റും ഷർട്ടും, കൂളിംഗ് ഗ്ലാസും ഒക്കെയായി ചുള്ളൻ ലുക്കിലാണ് താരം പുതിയ ഫോട്ടോയില്‍. സിംഗപ്പൂരിലെ ചരിത്ര പ്രസിദ്ധമായ മെർലിയണ്‍ ലയണ്‍ ഫിഷ് പ്രതിമയുടെ അടുത്ത് നിന്നുള്ള ഫോട്ടോയാണിത്. ഫോട്ടോ വന്നതിനു പിന്നാലെ നിരവധി പേരാണ് ഇതിനു കമന്റുമായി രംഎത്തിയത്. യുവതാരങ്ങൾക്ക് പോലും വെല്ലുവിളി ഉയർത്തുന്ന കോസ്റ്റ്യൂം സെലക്ഷനുകളാണ് മമ്മൂട്ടി എപ്പോഴും പിന്തുടരുന്നത്. താരത്തിന്റെ ഏതെങ്കിലും ഒരു പോസ്റ്റ് വന്നാൽ ഉടൻ തന്നെ സോഷ്യൽ മീഡിയ മുഴുവനും അത് ട്രെയിനിങ് ആയിരിക്കും. ഇപ്പോഴിതാ ഈ ഫോട്ടോയും ട്രെൻഡിങ്ങിൽ ആണ്.അതേസമയം, ടര്‍ബോ ആണ് വരാനിരിക്കുന്ന മമ്മൂട്ടി ചിത്രം. മമ്മൂട്ടിയുടേതായി ഇറങ്ങിയ ഭ്രമയുഗം മികച്ച അഭിപ്രായമാണ് നേടിയത്. പൂര്‍ണമായും ബ്ലാക് ആന്‍ഡ് വൈറ്റില്‍ ആയിരുന്നു റിലീസ് ചെയ്തത്. 60കോടി അടുപ്പിച്ച്‌ ചിത്രം കളക്ഷന്‍ നേടി. മമ്മൂട്ടി അടുത്തതായി അഭിനയിക്കാൻ പോകുന്നത് മഹേഷ് നാരായണൻ സംവിധാനം ചെയ്യുന്ന ബിഗ് ബജറ്റ് ചിത്രത്തിലാണ് ഫഹദ് ഫാസിലും കുഞ്ചാക്കോ ബോബനും സുരേഷ് ഗോപിയും ചിത്രത്തിൽ ഉണ്ട് എന്നാണ് ലഭിക്കുന്ന വിവരങ്ങൾ സിനിമയുടെ ചിത്രീകരണം ഏപ്രിൽ മാസത്തോടെ ആരംഭിക്കും എന്നാണ് ലഭിക്കുന്ന വിവരങ്ങൾ.
പുതിയ വൈറൽ ലുക്കിൽ മലയാളത്തിന്റെ മെഗാസ്റ്റാർ മമ്മൂട്ടി : പുതിയ ഫോട്ടോ ഏറ്റെടുത്ത് സോഷ്യൽ മീഡിയ
