പാരിസ്: വല കുലുക്കി നെയ്മറും കിലിയന്‍ എംബാപ്പെയും ഇരുവരുടെയും ഗോളിന് വഴിയൊരുക്കി ലയണല്‍ മെസ്സിയും തിളങ്ങിയ മത്സരത്തില്‍ പി.എസ്.ജിക്ക് മിന്നും ജയം.ടൂളൂസിനെ മറുപടിയില്ലാത്ത മൂന്നുഗോളുകള്‍ക്ക് മുക്കിയ പാരിസുകാര്‍ ഫ്രഞ്ച് ലീഗില്‍ ഒന്നാം സ്ഥാനത്ത് തിരിച്ചെത്തി.
Advertisements
37-ാം മിനിറ്റില്‍ എതിര്‍പ്രതിരോധം പിളര്‍ന്ന് മെസ്സി നല്‍കിയ പാസിലാണ് നെയ്മര്‍ വല കുലുക്കിയത്. ലൈന്‍ റഫറി ഓഫ്സൈഡ് ഫ്ലാഗുയര്‍ത്തിയെങ്കിലും ‘വാറി’ല്‍ നെയ്മര്‍ ഓഫ്സൈഡായിരുന്നില്ലെന്ന് കണ്ടെത്തിയതോടെ റഫറി ഗോള്‍ അനുവദിച്ചു. അഞ്ചു കളികളില്‍ ഏഴു ഗോളുകളുമായി ബ്രസീലിന്റെ മിന്നുംതാരം ലീഗില്‍ ടോപ്സ്കോറര്‍ സ്ഥാനത്താണിപ്പോള്‍.
