കോട്ടയം: ശബരിമല ദര്‍ശനത്തിന്‌ഓണ്‍ലൈന്‍ ബുക്കിംഗായിരിക്കുമെന്നും ഡയറക്റ്റ് സ്പോട് ബുക്കിങ് ഉണ്ടാവില്ലെന്നും ദേവസ്വം മന്ത്രി വിഎന്‍വാസവന്‍ പറഞ്ഞു. കാര്യങ്ങള്‍ മനസിലാക്കാതെ ആണ് ചിലർ ഇക്കാര്യത്തില്‍ അഭിപ്രായം പറയുന്നതെന്ന് അദ്ദേഹം സിപിഐക്ക് പരോക്ഷ മറുപടി നല്‍കി. എണ്ണം ചുരുകിയത് സുഖമമായ ദർശനത്തിന് വേണ്ടിയാണ്. വരുന്ന ഭക്തർക്ക് പൂർണമായും ദർശനം ഉറപ്പാക്കും.
Advertisements
വിവിധ ഇടത്തവളങ്ങളില്‍ അക്ഷയ കേന്ദ്രങ്ങള്‍ ഒരുക്കും. അവിടെ ഭക്തരുടെ വിവരങ്ങള്‍ ശേഖരിക്കും. മാല ഇട്ടു വരുന്ന ആരെയേം തിരിച്ചയക്കില്ല. ഭക്തരുടെ താല്പര്യങ്ങള്‍ സംരക്ഷിക്കും. ഭക്തജനങ്ങളെ ചില രാഷ്ട്രീയ കക്ഷികള്‍ തെറ്റിധരിപ്പിക്കുന്നു, അത് ജനങ്ങള്‍ തിരിച്ചറിയും
രാഷ്ട്രീയ മുതലെടുപ്പ് നടത്തിയാല്‍ അതിനെ നേരിടും. കലാപത്തിനുള്ള സാധ്യത ഇല്ലെന്നും മന്ത്രി വ്യക്തമാക്കി.