മോഹൻലാല്‍ നായകനായി എത്തുന്ന ഏറ്റവും പുതിയ ചിത്രം മലൈക്കോട്ടൈ വാലിബന്റെ പുതിയ ലിറിക് വീഡിയോ പുറത്തുവിട്ടു. മുൻ ബിഗ് ബോസ് താരവും നടിയുമായ സുചിത്രയും മോഹൻലാലും ആണ് ഗാനരംഗത്ത് ഉള്ളത്. പ്രശാന്ത് പിള്ളയുടെ സംഗീതത്തിന് വരികള്‍ എഴുതിയിരിക്കുന്നത് പിഎസ് റഫീക്ക് ആണ്. പ്രീതി പിള്ള ആണ് ഈ മനോഹര പ്രണയഗാനം ആലപിച്ചിരിക്കുന്നത്.
ലിജോ ജോസ് പെല്ലിശ്ശേരി സംവിധാനം ചെയ്യുന്ന ചിത്രമാണ് മലൈക്കോട്ടൈ വാലിബന്. ഇരുവരും ആദ്യമായി ഒന്നിക്കുന്ന ചിത്രം കൂടിയാണിത്.
സൂപ്പര്‍ നടനും സൂപ്പര്‍ സംവിധായകനും ഒന്നിക്കുമ്പോള്‍ ഹിറ്റില്‍ കുറഞ്ഞതൊന്നും സിനിമാസ്വാദകര്‍ പ്രതീക്ഷിക്കില്ല. അതുതന്നെയാണ് ഇത്രത്തോളം ഹൈപ്പ് ചിത്രത്തിന് ലഭിക്കാന്‍ കാരണവും. പിഎസ് റഫീക്കും ലിജോയും ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. മധു നീലകണ്ഠന്‍ ആണ് ഛായാഗ്രാഹകന്‍. ചിത്രം ജനുവരി 25ന് തിയറ്ററുകളില്‍ എത്തും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സംഗീതം: പ്രശാന്ത് പിള്ള, ചീഫ് അസോസിയേറ്റ് ഡയറക്ടര്‍: ടിനു പാപ്പച്ചൻ, എഡിറ്റര്‍: ദീപു ജോസഫ്, കലാസംവിധാനം: ഗോകുല്‍ദാസ്, അസോസിയേറ്റ് ഡയറക്ടര്‍: രതീഷ് മൈക്കിള്‍, വസ്ത്രാലങ്കാരം: സുജിത്ത് സുധാകരൻ, രതീഷ് ചമ്രവട്ടം സ്റ്റണ്ട്: വിക്രം മോര്‍, സുപ്രീം സുന്ദര്‍, മേക്കപ്പ്: റോനെക്സ് സേവ്യര്‍, കൊറിയോഗ്രഫി: സാമന്ത് വിനില്‍, ഫുലവ ഖംകര്‍, സൗണ്ട് ഡിസൈൻ: രംഗനാഥ് രവി, ശബ്ദമിശ്രണം: ഫസല്‍ എ ബാക്കര്‍, ലൈൻ പ്രൊഡ്യൂസര്‍: ആൻസണ്‍ ആന്റണി, പ്രൊഡക്ഷൻ കണ്‍ട്രോളര്‍: എല്‍ബി ശ്യാംലാല്‍, ഫിനാൻസ് കണ്‍ട്രോളര്‍: ദിനീപ് ഡേവിഡ്, സ്റ്റില്‍: അര്‍ജുൻ കല്ലിങ്കല്‍ ഡിസൈൻ: കെ പി മുരളീധരൻ, വിനയ്കൃഷ്ണൻ, കൃഷ്ണ ചന്ദ്രൻ, മിലൻ മുരളി, പബ്ലിസിറ്റി ഡിസൈൻ: പഴയ സന്യാസിമാര്‍, പിആര്‍ഒ: പ്രതീഷ് എസ് എന്നിവരാണ് മറ്റ് അണിയറ പ്രവര്‍ത്തകര്‍.
