സിനിമാ താരസംഘടന ‘അമ്മ’യുടെ നേതൃത്വത്തില്‍ ഖത്തറില്‍ നടക്കാനിരുന്ന ഷോ റദ്ദാക്കി. വ്യാഴാഴ്ച നടക്കേണ്ടിയിരുന്ന മോളിവുഡ് മാജിക് എന്ന പരിപാടിയാണ് അവസാന നിമിഷത്തില്‍ വേണ്ടെന്ന് വച്ചത്. സംഘാടകരാണ് ഈ വിവരം പുറത്തുവിട്ടത്.
സാങ്കേതിക പ്രശ്നങ്ങളാലും കാലാവസ്ഥ പ്രതികൂലമായതിനാലുമാണ് മോളിവുഡ് മാജിക് റദ്ദാക്കിയതെന്ന് ഇവന്റ് മാനേജ്മെന്റ് കമ്പനിയായ നയൻവണ്‍ ഇവന്റ്സ് അറിയിച്ചു. മമ്മൂട്ടി, മോഹൻലാല്‍ അടക്കമുള്ള താരങ്ങള്‍ പരിപാടിയില്‍ പങ്കെടുക്കാൻ ഖത്തറില്‍ എത്തിയിരുന്നു. മാത്രവുമല്ല കലാപരിപാടികളുടെ പരിശീലനത്തിനായി താരങ്ങള്‍ മുൻകൂട്ടിയെത്തിയിരുന്നു. ടിക്കറ്റ് ബുക്ക് ചെയ്തവർക്ക് തുക മടക്കി നല്‍കുമെന്നും നയൻവണ്‍ ഇവന്റ്സ് വ്യക്തമാക്കി.
Advertisements
