മൂവി ഡെസ്ക്ക് : പ്രഭാസിന്റെ ബ്രഹ്മാണ്ഡ ചിത്രം സലാര്‍ ആഗോള ബോക്സോഫീസില്‍ റെക്കോര്‍ഡ് സ്വന്തമാക്കുമെന്ന പ്രതീക്ഷയില്‍ ആരാധകര്‍. പ്രശാന്ത് നീലിന്റെ സംവിധാനത്തിലൊരുങ്ങിയ ചിത്രത്തിന് പ്രതീക്ഷകള്‍ ഏറെയാണ്. ഇന്ത്യയില്‍ മാത്രമല്ല യുഎസിലും സലാര്‍ കളക്ഷനില്‍ റെക്കോര്‍ഡുകള്‍ തിരുത്തും എന്നാണ് പുറത്തുവരുന്ന വിവരം. അഡ്വാൻസ് ബുക്കിംഗില്‍ ആയാലും വലിയ തോതില്‍ പ്രേക്ഷകരെ സ്വന്തമാക്കുകയാണ് സലാര്‍.
സലാര്‍ നാല് കോടിയോളം നേടിയിരിക്കുന്നു എന്നാണ് ബോക്സോഫീസ് റിപ്പോര്‍ട്ട്. കേരളത്തിലടക്കം സലാര്‍ ആവേശം തീര്‍ക്കുമെന്ന് ഉറപ്പാണ്. രാജ്യ വ്യാപകമായി റിലീസിനൊരുങ്ങുന്ന ചിത്രത്തിനായി ആരാധകര്‍ കാത്തിരിക്കുകയാണ്. ചിത്രം രണ്ട് ഭാഗങ്ങളായാകും പ്രേക്ഷകരിലേക്ക് എത്തുക. ആദ്യ ഭാഗമായ സലാര്‍ പാര്‍ട്ട് 1-സിസ് ഫയര്‍ ഡിസംബര്‍ 22-ന് റിലീസ് ചെയ്യും. പൃഥ്വിരാജ് പ്രൊഡക്ഷൻസും, മാജിക് ഫ്രെയിംസും ചേര്‍ന്നാണ് സലാര്‍ കേരളത്തിലെത്തിക്കുന്നത്. ഒടിടി റൈറ്റ്‍സിന് സലാറിന് 160 കോടി രൂപ സലാറിന് ലഭിച്ചു എന്നാണ് ട്രേഡ് അനലിസ്റ്റുകളുടെ റിപ്പോര്‍ട്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
തെന്നിന്ത്യൻ ആക്ഷൻ സൂപ്പര്‍സ്റ്റാര്‍ പ്രഭാസും പൃഥ്വിരാജും ഒന്നിക്കുന്നതുകൊണ്ട് തന്നെ ഇന്ത്യയൊട്ടാകെ ചിത്രത്തിനായുള്ള കാത്തിരിപ്പ് ചെറുതല്ല. രണ്ട് സുഹൃത്തുക്കളുടെ കഥയാണ് സലാര്‍ പറയുന്നത്. ചിത്രത്തില്‍ ശ്രുതി ഹാസനാണ് നായികയായെത്തുന്നത്. ആക്ഷന് പ്രധാന്യം നല്‍കിയിരിക്കുന്ന ചിത്രത്തില്‍ പ്രഭാസിനൊപ്പം വരദരാജ മന്നാര്‍ എന്ന കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്. ജഗപതി ബാബു, ഈശ്വരി റാവു, ബോബി സിൻഹ തുടങ്ങിയവരും ചിത്രത്തില്‍ പ്രധാന വേഷത്തില്‍ എത്തുന്നു. കെജിഎഫിന് ശേഷം പ്രശാന്ത് നീല്‍ ഒരുക്കുന്ന ആക്ഷൻ ത്രില്ലര്‍ ചിത്രമാണ് സലാര്‍.
