പത്തനംതിട്ട : കണ്ണൂരിൽ താമസ സ്ഥലത്ത് മരിച്ച നിലയിൽ കണ്ടെത്തിയ എഡിഎം നവീൻ ബാബുവിന്റെ മൃതദേഹം സ്വദേശമായ പത്തനംതിട്ടയിൽ എത്തിച്ചു. കണ്ണൂർ കളക്‌ടർ അരുൺ കെ വിജയൻ, സിപിഐഎം കണ്ണൂർ ജില്ലാ സെക്രട്ടറി എം വി ജയരാജൻ, നവീന്റെ സഹോദരൻ പ്രവീൺ ബാബു എന്നിവർ മൃതദേഹത്തെ അനുഗമിച്ചു. പത്തനംതിട്ട ക്രിസ്ത്യൻ മെഡിക്കൽ സെന്റർ ആശുപത്രിയിലേക്കാണ് നവീൻ ബാബുവിന്റെ മൃതദേഹം എത്തിച്ചത്.
Advertisements
മൃതദേഹം കൊണ്ടുവരുന്നുമെന്നറിഞ്ഞ് ബന്ധുക്കളും സഹപ്രവർത്തകരും നാട്ടുകാരുമടക്കമുള്ളവർ ആശുപത്രിയിൽ തടിച്ചുകൂടിയിരുന്നു. ഇന്ന് ആശുപത്രി മോർച്ചറിയിൽ മൃതദേഹം സൂക്ഷിക്കും. നാളെ രാവിലെ പത്ത് മണിക്ക് പത്തനംതിട്ട കളക്ടറേറ്റിൽ മൃതദേഹം പൊതുദർശനത്തിനുവെയ്ക്കും. ഉച്ചയ്ക്ക് ശേഷം മലയാലപ്പുഴയിലെ വീട്ടിൽ സംസ്ക്കാര ചടങ്ങുകൾ നടക്കും.