ചെന്നൈ : ഒരാഴ്ച മുമ്ബാണ് തെന്നിന്ത്യൻ സുന്ദരി നയൻതാര തന്റെ മുപ്പത്തിയൊമ്ബതാം പിറന്നാള്‍ ആഘോഷിച്ചത്. മക്കളായ ഉയിരിനും ഉലകത്തിനും ഭര്‍ത്താവ് വിക്കിക്കുമൊപ്പം കേക്ക് മുറിച്ചായിരുന്നു നയൻതാരയുടെ പിറന്നാള്‍ ആഘോഷം. ആ സംശയത്തിന്റെ ആവശ്യം ഇനി ഇല്ല. വിക്കി കരുതിവെച്ച സമ്മാനം നയൻതാരയുടെ കൈകളിലെത്തി. എന്താണ് സമ്മാനമെന്ന് വെളിപ്പെടുത്തി സോഷ്യമീഡിയയില്‍ കുറിപ്പ് പങ്കുവെച്ചിട്ടുണ്ട് നയൻസ്. മെഴ്സിഡസ് മെബാക്ക് എന്ന കോടികള്‍ വിലയുള്ള ആഢംബര കാറാണ് ഇത്തവണ ഭാര്യയ്ക്കായി വിക്കി വാങ്ങിയത്. ഞങ്ങളുടെ കുടുംബത്തിലേക്ക് സ്വാഗതം സുന്ദരി… വിക്കി എന്റെ പ്രിയപ്പെട്ട ഭര്‍ത്താവ്… ഏറ്റവും മധുരമുള്ള ജന്മദിന സമ്മാനം നല്‍കിയതിന് നന്ദി… ലവ് യൂ എന്നാണ് ഭര്‍ത്താവ് നല്‍കിയ പിറന്നാള്‍ സമ്മാനത്തിനൊപ്പമുള്ള ചിത്രം പങ്കിട്ട് നയൻതാര കുറിച്ചത്. മെഴ്സിഡസ് മെബാക്ക് എംബ്ലത്തിന് ചുറ്റും ഹാര്‍ട്ട് ഷേപ്പില്‍ വിക്കിക്കൊപ്പം കൈ ചേര്‍ത്ത് നില്‍ക്കുന്ന ചിത്രവും നയൻതാര പങ്കിട്ടിട്ടുണ്ട്.
ലേഡിസൂപ്പര്‍സ്റ്റാറിന് വിഘ്നേഷ് നല്‍കിയ സമ്മാനം കണ്ട് കണ്ണ് തണ്ണിയത് ആരാധകര്‍ക്കാണ്. ഇത്രത്തോളം വിലപിടിപ്പുള്ള സമ്മാനം വിഘ്നേഷ് ഭാര്യയ്ക്ക് നല്‍കുമെന്ന് കരുതിയില്ലെന്നാണ് ആരാധകര്‍ കുറിച്ചത്. ആഡംബരത്തിന്‍റെ പ്രതീകങ്ങളാണ് മെഴ്സിഡസ് ബെൻസ് കാറുകള്‍. വൻകിട ബിസിനസുകാരും സിനിമാതാരങ്ങള്‍ ഉള്‍പ്പടെയുള്ള സെലിബ്രിറ്റികളുമൊക്കെ കോടികണക്കിന് രൂപ വിലയുള്ള ബെൻസ് കാര്‍ സ്വന്തമാക്കുന്നത് മുമ്ബും വലിയ വാര്‍ത്തയായിട്ടുണ്ട്. മെഴ്സിഡസ് മെബാക്ക് മറ്റെല്ലാ മെഴ്സിഡസ് കാറുകളില്‍ നിന്നും വേറിട്ടുനില്‍ക്കുന്നത് അതിന്റെ അത്യാഡംബരമായ അത്യാധുനിക സവിശേഷതകള്‍കൊണ്ടാണ്. നാല് കോടി രൂപയാണ് ഈ മോഡല്‍ ബെൻസ് കാറിന്‍റെ വിലയെന്നാണ് റിപ്പോര്‍‌ട്ടുകള്‍ പറയുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വൻകിട ബിസിനസുകാരുടെയും സെലിബ്രിറ്റികളുടെയും ഇടയില്‍ ഒരു ജനപ്രിയ മോഡലായി മാറിയിട്ടുണ്ട് മെഴ്സിഡസ് മെബാക്ക്. മെബാക്ക് എസ് ക്ലാസ് വില 3.80 കോടി രൂപയില്‍ ആരംഭിക്കുന്നു. കസ്റ്റമൈസേഷനുകളും മറ്റ് ഫീച്ചറുകളും തിരഞ്ഞെടുക്കുമ്ബോള്‍ വില നാല് കോടി കടക്കും.
നയൻതാരയ്ക്ക് ലഭിച്ച പിറന്നാള്‍ സമ്മാനം കോടികള്‍ വിലയുള്ളതാണെന്ന് മനസിലാക്കിയതോടെ വിഘ്നേഷിന് ഭാര്യയ്ക്ക് അത്യാഢംബര കാര്‍ വാങ്ങി കൊടുക്കാനുള്ള സമ്ബാദ്യമുണ്ടോയെന്നാണ് ആരാധകരുടെ ചോദ്യങ്ങള്‍. നയൻതാര വിക്കിക്ക് വാങ്ങികൊടുത്തതാണെന്നാണ് ആദ്യം കരുതിയത്, ഭര്‍ത്താവായാല്‍ ഇങ്ങനെ വേണം സമ്മാനം അതിഗംഭീരം…, മെബാക്ക് വാങ്ങാനുള്ള സമ്ബാദ്യം വിക്കിക്കുണ്ടോ? അതോ നയൻതാരയുടെ വരുമാനത്തില്‍ നിന്നും എടുത്തിട്ടാണോ വാങ്ങിയത്? എന്നൊക്കെയാണ് വിക്കിയെ പ്രശംസിച്ചും പരിഹസിച്ചും നയൻസിന്റെ പോസ്റ്റിന് താഴെ വന്ന കമന്റുകള്‍. ഒരു സിനിമ സംവിധാനം ചെയ്യുന്നതിന് മൂന്ന് കോടി വരെ പ്രതിഫലം വാങ്ങുന്ന വിഘ്നേഷ് ശിവന് മെഴ്സിഡസ് മെബാക്കൊക്കെ നിസാരം എന്നാണ് മറ്റൊരാള്‍ കുറിച്ചത്.
