കൊച്ചി : സമനില പൂട്ട് പൊട്ടിക്കാനാവാതെ കേരള ബ്ലാസ്റ്റേഴ്സ്-നോര്‍ത്ത് ഈസ്റ്റ് യുണൈറ്റഡ് മത്സരം. സ്വന്തം കാണികള്‍ക്ക് മുന്നില്‍ കളിക്കുന്നതിന്റെ ആവേശത്തില്‍ പൊരുതിയെങ്കിലും നോര്‍ത്ത് ഈസ്റ്റ് യുണൈറ്റഡിനെ തോല്‍പിക്കാനായില്ല.ഇരു ടീമുകളും ഓരോ ഗോള്‍ വീതം നേടി സമനിലയില്‍ പിരിഞ്ഞു. ബ്ലാസ്റ്റേഴ്‌സിനായി ഡാനിഷ് ഫാറൂഖി ഗോള്‍ നേടീയപ്പോള്‍ നെസ്റ്റര്‍ അല്‍ബെയ്ച്ച്‌ ആണ് നോര്‍ത്ത് ഈസ്റ്റിന്റെ ഗോള്‍ നേടിയത്. കളി തുടങ്ങി 12ാം മിനുറ്റില്‍ തന്നെയാണ് നോര്‍ത്ത് ഈസ്റ്റ് മുന്നിലെത്തിയത്. ജിതിൻ എം എസിന്റെ പാസില്‍ നിന്ന് നെസ്റ്റര്‍ ആണ് ഗോള്‍ നേടിയത്. ഈ ഗോള്‍ മടക്കാനുള്ള തീവ്രശ്രമമായിരുന്നു ബ്ലാസ്റ്റേഴ്സിന് പിന്നീട്.
ചിവ സുവര്‍ണാവസരം കൈവന്നെങ്കിലും ഗോളായി മാറിയില്ല.ഇതിനിടയില്‍ പെപ്രയ്ക്ക് എതിരായ ഒരു ഫൗളിനായി കേരള ബ്ലാസ്റ്റേഴ്സ് പെനാള്‍ട്ടിക്ക് അപ്പീല്‍ ചെയ്തുവെങ്കിലും അനുകൂല വിധി ഉണ്ടായില്ല. റീപ്ലേയില്‍ ക്ലിയര്‍ പെനാള്‍ട്ടി ആണെന്ന് വ്യക്തമായിരുന്നു. എതിരില്ലാത്ത ഒരു ഗോളിന്റെ മികവുമായി നോര്‍ത്ത് ഈസ്റ്റ് യുണൈറ്റഡ് ഒന്നാം പകുതി അവസാനിപ്പിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
രണ്ടാം പകുതിലാണ് ബ്ലാസ്റ്റേഴ്‌സിന്റെ സമനില ഗോള്‍ വരുന്നത്. 49ാം മിനുറ്റില്‍ ഡാനിഷ് ഫാറൂഖിയാണ് നോര്‍ത്ത് ഈസ്റ്റ് വലയില്‍ പന്ത് എത്തിച്ചത്. ലൂണയുടെ ഫ്രീകിക്കില്‍ നിന്നായിരുന്നു ഡാനിഷ് ഫറൂഖ് ഹെഡര്‍ ഗോള്‍. ഇതിനു ശേഷവും വിജയഗോളിനായി ബ്ലാസ്റ്റേഴ്സ് ശ്രമിച്ചെങ്കിലും ഗോള്‍ വന്നില്ല. സമനിലയില്‍ കുരുങ്ങിയെങ്കിലും ബ്ലാസ്റ്റേഴ്സ് നാലാം സ്ഥാനത്താണ്. നോര്‍ത്ത് ഈസ്റ്റ് അഞ്ചാം സ്ഥാനത്തും
