അഞ്ച് വർഷത്തെ ഇടവേളയ്ക്കു ശേഷം ഭാവന മലയാളത്തിലേക്ക് തിരിച്ചെത്തുന്ന ചിത്രമാണ് ൻറിക്കാക്കാക്കൊരു പ്രേമണ്ടാർന്ന്. ആദിൽ മൈമൂനത്ത് അഷറഫ് രചന, സംവിധാനം, എഡിറ്റിംഗ് നിർവ്വഹിക്കുന്ന ചിത്രത്തിൽ ഷറഫുദ്ദീൻ, അശോകൻ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഇപ്പോഴിതാ ചിത്രത്തിലെ ഒരു ഗാനം പുറത്തുവിട്ടിരിക്കുകയാണ് അണിയറക്കാർ.
ഇക്കരെ വൈരക്കൽ പെണ്ണൊരുത്തി എന്നാരംഭിക്കുന്ന ഗാനത്തിന് വരികൾ എഴുതിയിരിക്കുന്നത് വിനായക് ശശികുമാർ ആണ്. നിഷാന്ത് രാംടെകെ സംഗീതം പകർന്നിരിക്കുന്ന ഗാനം ആലപിച്ചിരിക്കുന്നത് സയനോര ഫിലിപ്പും രശ്മി സതീഷും ചേർന്ന് ആണ്. ലണ്ടൻ ടാക്കീസിൻറെ ബാനറിൽ റെനീഷ് അബ്ദുൾഖാദറും രാജേഷും ചേർന്നാണ് ചിത്രത്തിൻറെ നിർമ്മാണം. അരുൺ റുഷ്ദി ഛായാഗ്രഹണം നിർവ്വഹിച്ചിരിക്കുന്ന ചിത്രത്തിൻറെ എക്സിക്യൂട്ടീവ് പ്രൊഡ്യൂസേഴ്സ് കിരൺ കേശവ്, പ്രശോഭ് വിജയൻ എന്നിവർ ചേർന്നാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അഡീഷണൽ സ്ക്രീൻപ്ലേ, ഡയലോഗ് വിവേക് ഭരതൻ, കലാസംവിധാനം മിഥുൻ ചാലിശ്ശേരി, സംഗീതം പെയിൽ മാത്യൂസ്, നിഷാന്ത് രാംടെകെ, ജോക്കർ ബ്ലൂസ്, നൃത്തസംവിധാനം അനഘ- റിഷ്ധാൻ, വസ്ത്രാലങ്കാരം മെൽവി ജെ, പ്രൊഡക്ഷൻ കൺട്രോളർ അലക്സ് കുര്യൻ, പ്രൊജക്റ്റ് കോഡിനേറ്റർ ഷനീം സയീദ്, മേക്കപ്പ് അമൽ ചന്ദ്രൻ, ചീഫ് അസോസിയേറ്റ് ഫിലിപ്പ് ഫ്രാൻസിസ്, ക്രിയേറ്റീവ് ഡയറക്ടർ ശബരിദാസ് തോട്ടിങ്കൽ, കാസ്റ്റിംഗ് അബു വാണിയംകുളം, സ്റ്റിൽസ് രോഹിത്ത് കെ സുരേഷ്, പിആർ ടെൻ ഡിഗ്രി നോർത്ത് കമ്യൂണിക്കേഷൻസ്, ഡിജിറ്റൽ മാർക്കറ്റിംഗ് വൈശാഖ് സി വടക്കേവീട്, പബ്ലിസിറ്റി ഡിസൈൻസ് യെല്ലോടൂത്ത്സ്, ലൈൻ പ്രൊഡ്യൂസേഴ്സ് മഹിൻഷാദ് എൻ വൈ, ഷാമിൽ പി എം. കന്നഡ സിനിമയിൽ സജീവമായ ഭാവനയുടേതായി ഏറ്റവുമൊടുവിൽ പുറത്തെത്തിയ ചിത്രം തിലക് സംവിധാനം ചെയ്‍ത ഗോവിന്ദ ഗോവിന്ദ ആണ്. കോമഡി ത്രില്ലർ വിഭാഗത്തിൽ പെടുന്ന ചിത്രത്തിൽ സുമന്ദ് ശൈലേന്ദ്രയാണ് നായകൻ.
