ആൻറണി വർഗീസിനെ നായകനാക്കി നവാഗതനായ അഭിഷേക് കെ എസ് സംവിധാനം ചെയ്യുന്ന ഓ മേരി ലൈല എന്ന ചിത്രത്തിലെ വീഡിയോ ഗാനം പുറത്തെത്തി. ആക്ഷൻ ഹീറോ ഇമേജ് വെടിഞ്ഞ് റൊമാന്റിക് ഹീറോയായി ആൻറണി എത്തുന്ന ചിത്രമാണിത്. കരളോ വെറുതെ എന്നാരംഭിക്കുന്ന ഗാനത്തിന് വരികൾ എഴുതിയിരിക്കുന്നത് ശബരീഷ് വർമ്മയാണ്. അങ്കിത് മേനോൻ സംഗീത സംവിധാനം നിർവ്വഹിച്ചിരിക്കുന്ന ഗാനം പാടിയത് സിദ് ശ്രീറാം ആണ്.
അനുരാജ് ഒ ബിയുടേതാണ് ചിത്രത്തിൻറെ തിരക്കഥ. ഡോ. പോൾസ് എൻറർടെയ്ൻ‍മെൻറിൻറെ ബാനറിൽ ഡോ. പോൾ വർഗീസ് ആണ് നിർമ്മാണം. ഛായാഗ്രഹണം ബബ്ലു അജു, എഡിറ്റിംഗ് കിരൺ ദാസ്, സംഗീതം അങ്കിത് മേനോൻ, വരികൾ ശബരീഷ് വർമ്മ, വിനായക് ശശികുമാർ, കലാസംവിധാനം സജി ജോസഫ്, അഭിഷേക് കെ എസും അനുരാജ് ഒ ബിയും ചേർന്നാണ് ചിത്രത്തിൻറെ കഥ എഴുതിയിരിക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വസ്ത്രാലങ്കാരം സൂര്യ രവീന്ദ്രൻ, മേക്കപ്പ് റഹിം കൊടുങ്ങല്ലൂർ, സംഘട്ടനം ബില്ല ജഗൻ, അഷറഫ് ഗുരുക്കൾ, ചീഫ് അസോസിയേറ്റ് ഡയറക്ടർ കിരൺ റാഫേൽ, പ്രൊഡക്ഷൻ കൺട്രോളർ ജാവേദ് ചെമ്പ്, ഫിനാൻസ് കൺട്രോളർ അനിൽ ആമ്പല്ലൂർ, പ്രൊഡക്ഷൻ മാനേജർ സോബർ മാർട്ടിൻ, പിആർഒ ശബരി, വിഎഫ്എക്സ് എക്സൽ മീർിയ, ഡിജിറ്റർ പി ആർ ജിഷ്ണു ശിവൻ, സ്റ്റിൽസ് എസ് ആർ കെ, ഡിസൈൻസ് യെല്ലോ ടൂത്ത്സ്.
ഒരു ആക്ഷൻ ഹീറോയുടെ സ്ക്രീൻ ഇമേജ് ആണ് മലയാള സിനിമയിൽ ആൻറണി വർഗീസിന്. അഭിനയിച്ച ചിത്രങ്ങളെല്ലാം ഹിറ്റ് ആക്കിയ നായക നടനുമാണ് അദ്ദേഹം. എന്നാൽ റൊമാൻറിക് ഫാമിലി എൻറർടെയ്‍നർ ആണ് ഓ മേരി ലൈല. ചിത്രത്തിൽ ആൻറണിയുടെ കഥാപാത്രത്തിൻറെ പേര് ലൈലാസുരൻ എന്നാണ്. പുതുമുഖം നന്ദന രാജനാണ് ചിത്രത്തിലെ നായിക.
