പാലക്കാട്: പാലക്കാട് സിപിഎമ്മില്‍ കൊഴിഞ്ഞുപോക്ക് തുടരുന്നു. സിപിഎം പഴഞ്ചേരി നോർത്ത് ബ്രാഞ്ച് അംഗവും ഡിവൈഎഫ്‌ഐ കാരക്കാട് മേഖലാ ജോയിൻ സെക്രട്ടറിയുമായ മുസ്തഫ വരമംഗലമാണ് പാര്‍ട്ടി വിട്ടത്. അതേസമയം കഴിഞ്ഞ ദിവസം തേങ്കുറുശ്ശിയില്‍ പാര്‍ട്ടിവിട്ട സിപിഎം കുഴല്‍മന്ദം മുൻ ഏരിയ കമ്മിറ്റി അംഗമുള്‍പ്പെടെ പത്തോളം പേര്‍ക്ക് കോണ്‍ഗ്രസ് സ്വീകരണം നല്‍കി.
ഏരിയ സമ്മേളനങ്ങള്‍ ഏറെക്കുറെ പൂര്‍ത്തിയായി. ജില്ലാ സമ്മേളനത്തിനും ഒരുക്കങ്ങള്‍ തുടങ്ങി. ഇതിനിടയിലാണ് പാലക്കാട്ടെ സിപിഎമ്മിലെ കൊഴിഞ്ഞുപോക്ക് തുടരുന്നത്. ഇടമില്ലാത്തിടത്ത് ഇനിയില്ലെന്ന് സോഷ്യല്‍ മീഡിയയില്‍ പോസ്റ്റിട്ടാണ് പാര്‍ട്ടി അംഗവും ഡിവൈഎഫ്‌ഐ നേതാവും മുസ്തഫ പാര്‍ട്ടി വിട്ടത്. കഴിഞ്ഞ തദ്ദേശ തെരഞ്ഞെടുപ്പില്‍ ഓങ്ങല്ലൂര്‍ 13-ാം വാ൪ഡില്‍ അരിവാള്‍ ചുറ്റിക നക്ഷത്രം ചിഹ്നത്തില്‍ മുസ്തഫ ജനവിധിയും തേടിയിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പാര്‍ട്ടിയിലെ ഏകാധിപത്യ നിലപാടില്‍ പ്രതിഷേധിച്ചാണ് പാര്‍ട്ടി വിട്ടതെന്നാണ് വിശദീകരണം. പിവി അൻവറുമായി ചര്‍ച്ച നടത്തിയെന്നും തനിക്കൊപ്പം കൂടുതല്‍ പേരുണ്ടെന്നുമാണ് അവകാശവാദം.
