പാമ്പാടി കോത്തലയിൽ ബേക്കറിയ്ക്ക് തീ പിടിച്ചു: ഒഴിവായത് വൻ ദുരന്തം; ലക്ഷങ്ങളുടെ നഷ്ടം : വീഡിയോ കാണാം

കോത്തലയിൽ നിന്നും
ജാഗ്രതാ റിപ്പോർട്ടർ
സമയം – 3.00 മണി

കോട്ടയം : പാമ്പാടിക്ക് സമീപം പന്ത്രണ്ടാം മൈലിൽ ബേക്കറിക്ക് തീ പിടിച്ചു. കെ.കെ.റോഡ് കോത്തല ജംഗ്ഷന് സമീപമുള്ള സീ പാലസ് ബേക്കറിയിലാണ് ഇന്ന് ഉച്ചയോടെ തീപിടുത്തം ഉണ്ടായത്.

രണ്ട് മുറികളായുള്ള
ബേക്കറിയുടെ പുറകിലെ മുറിയിലാണ് ഷോട്ട് സർക്യൂട്ടിലെ തുടർന്ന് ആദ്യം തീ പിടിച്ചത് .

തുടർന്ന് പുക ഉയരുന്നതു കണ്ട് കടയുടമ അജിമോൻ പുറത്തേക്കോടി രക്ഷപ്പെട്ടു. പിന്നാലെ ഫ്രീസർ അടക്കമുള്ള എല്ലാം വൈദ്യുതി ഉപകരണങ്ങളും കത്തി നശിക്കുകയായിരുന്നു. ലക്ഷങ്ങളുടെ നാശനഷ്ടമാണ് കണക്കാക്കുന്നത്.

പാമ്പാടി ഫയർ സ്റ്റേഷനിൽ നിന്നും രണ്ട് യൂണിറ്റ് എത്തിയാണ് തീ നിയന്ത്രണ വിധേയമാക്കിയത്.