കൊല്ലം : പ്രായപൂർത്തിയാകാത്ത ആണ്‍കുട്ടിയെ പീഡിപ്പിച്ച മദ്ധ്യവയസ്‌ക്കൻ പിടിയില്‍. പേരയം, രാജു ഭവനില്‍ ബൈജുവാണ് (49) കൊട്ടിയം പൊലീസിന്റെ പിടിയിലായത്.കുട്ടിയുടെ പിതാവുമായി സൗഹൃദമുള്ള ഇയാള്‍ കുട്ടി മാത്രമുള്ളപ്പോള്‍ വീട്ടിലെത്തി പീഡിപ്പിക്കുകയായിരുന്നു. പിന്നീട് ഈ വിവരം കുട്ടി സുഹൃത്തുക്കളോട് പറഞ്ഞപ്പോഴാണ് പീഡന വിവരം പുറത്തറിഞ്ഞത്. കുട്ടിയുടെ പരാതിയില്‍ കേസ് രജിസ്റ്റർ ചെയ്ത് അന്വേഷണം ആരംഭിച്ച കൊട്ടിയം പൊലീസ് ബൈജുവിനെ പിടികൂടുകയായിരുന്നു. ഇൻസ്‌പെക്ടർ വിപിന്റെ നേതൃത്വത്തില്‍ എസ്.ഐമാരായ നിതിൻ നളൻ, ഗിരീഷ്, സി.പി.ഒ സന്തോഷ് ലാല്‍, പ്രശാന്ത് എന്നിവരുള്‍പ്പെട്ട സംഘമാണ് പ്രതിയെ അറസ്റ്റ് ചെയ്തത്.
Advertisements
