പാറ്റ് കമ്മിൻസിന് ഹാട്രിക് : ബംഗ്ലാദേശിനെ എറിഞ്ഞിട്ട് ഓസീസ് 

ട്രിനിഡാഡ് : 20 ലോകകപ്പ് സൂപ്പർ 8 മത്സരത്തില്‍ ഇന്ന് ഓസ്ട്രേലിയക്ക് എതിരെ ആദ്യം ബാറ്റു ചെയ്ത ബംഗ്ലാദേശ് 140 റണ്‍സില്‍ ഒതുങ്ങി. 20 ഓവറില്‍ 8 വിക്കറ്റ് നഷ്ടത്തില്‍ ആണ് ബംഗ്ലാദേശ് 140 റണ്‍സ് എടുത്തത്. 41 റണ്‍സ് എടുത്ത ഷാന്റോയും 40 റണ്‍സ് എടുത്ത തൗഹീദ് ഹൃദോയിയും മാത്രമാണ് ബംഗ്ലാദേശ് ബാറ്റിങ് നിരയില്‍ തിളങ്ങിയത്. ഓസ്ട്രേലിയക്ക് ആയി ഇന്ന് പാറ്റ് കമ്മിൻസ് ഹാട്രിക്ക് നേടി. മഹ്മുദുള്ള, മെഹ്ദി ഹസൻ, തൗഹിദ് ഹൃദോയ് എന്നിവരെ പുറത്താക്കിയാണ് കമ്മിൻസ് ഹാട്രിക്ക് നേടിയത്. കമ്മിൻസ് ആകെ 3 വിക്കറ്റ് നേടിയപ്പോള്‍ സാമ്ബ 2 വിക്കറ്റും സ്റ്റാർക്ക്, സ്റ്റോയിനിസ്, മാക്സ്‌വെല്‍ എന്നിവർ ഒരോ വിക്കറ്റ് വീതവും നേടി.