മലപ്പുറം: പട്ടാമ്പി ഉപജില്ല കലോത്സവത്തില്‍ 2 അധ്യാപകർ ഗ്രേഡ് തിരിമറി നടത്തിയതായി കണ്ടെത്തല്‍. ഉപജില്ലാ കലോത്സവം നടന്ന എടപ്പലം പി ടി എം വൈ ഹയർസെക്കൻഡറി സ്കൂളിലെ അധ്യാപകരായ കെ സി സന്ദീപ്, ജംഷീദ്‌ എന്നിവരാണ് ഗ്രേഡ് തിരുത്തി തിരിമറി നടത്തിയതെന്ന് കണ്ടെത്തിയത്. പട്ടാമ്പി ഉപജില്ല വിദ്യാഭ്യാസ ഓഫീസറുടെ അന്വേഷണ റിപ്പോർട്ടിലാണ് ഇവർ തിരുമറി നടത്തിയെന്ന് വ്യക്തമാക്കിയിട്ടുള്ളത്.
തെറ്റുപറ്റിയെന്നുള്ള വിശദീകരണം സന്ദീപ് നല്‍കിയതിന്റെ വിവരങ്ങളും പുറത്തുവന്നിട്ടുണ്ട്. കലോത്സവത്തില്‍ മത്സര ഫലങ്ങള്‍ വെബ്‌സൈറ്റില്‍ അപ്ലോഡ് ചെയ്യുന്ന ചുമതല ഉണ്ടായിരുന്നത് സന്ദീപിനായിരുന്നു. തന്റെ സ്കൂളിന് നേട്ടമുണ്ടാക്കാൻ വെബില്‍ സന്ദീപ് ഗ്രേഡ് തിരുത്തുകയായിരുന്നു. ജംഷീദിന്റെ പ്രേരണ പ്രകാരമാണ് താൻ തിരിമറി നടത്തിയതെന്നാണ് സന്ദീപിന്‍റെ വിശദീകരണം.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
നടുവട്ടം ജനത സ്കൂളിലെ 5 ഫലങ്ങള്‍ എ ഗ്രഡില്‍ നിന്നും ബി ഗ്രേഡ് ആക്കി മാറ്റുകയും എടപ്പലം പി ടി എം വൈ സ്കൂളിലെ രണ്ട് ബിഗ്രേഡുകള്‍ എ ഗ്രേഡുകള്‍ ആക്കി മാറ്റുകയും ചെയ്തുവെന്ന് പരിശോധനയില്‍ കണ്ടെത്തിയത്. ഇതോടെ എടപ്പലം യതീംഖാന ഹയർ സെക്കണ്ടറി സ്കൂള്‍ കരസ്ഥമാക്കിയ ഹയർ സെക്കന്‍ഡറി വിഭാഗം ഓവറോള്‍ കപ്പ് നടുവട്ടം ജനത സ്കൂളിന് കൈമാറി.
