പീരുമേട് :ടൈഫോർഡ് എൽ പി സ്കൂളിലെ കുട്ടികൾക്ക് സ്കൂൾ പ്രവേശന ദിനത്തിൽ ലഭിച്ചത് മധുര പലഹാരവും കൈനിറയെ സമ്മാനങ്ങളും. കഴിഞ്ഞ ദിവസം നടന്ന പ്രവേശനോത്സവത്തിൽ പ്രമുഖ മൊബൈൽ ടവർ കമ്പനിയായ ഇൻഡസ് ടവരാണ് നവഗാതകർ ഉൾപ്പെടെ അമ്പതോളം കുട്ടികൾക്ക് പഠനോപകരണങ്ങളും വാട്ടർ പ്യൂരിഫൈറും സമ്മാനമായി നൽകിയത്. പ്രഥമ അധ്യാപകൻ എം ലക്ഷ്മണൻ അധ്യക്ഷത വഹിച്ച യോഗം വാഴൂർ സോമൻ എം എൽ ഏ ഉത്ഘാടനം ചെയ്തു. ടൈഫോർഡ് ടീ കമ്പനി ജനറൽ മാനേജർ സാംരാജ് പഠനോപകരണ വിതരണ ഉത്ഘാടനം നിർവഹിച്ചു. യൂറോപ്യൻ ക്ലൈമറ്റ് പാക്‌ട് അംബാസിഡർ ഡോ ഗിന്നസ് മാടസാമി മുഖ്യപ്രഭാഷണം നടത്തി. കമ്പനി അസിസ്റ്റന്റ് മാനേജർ നരേന്ദ്രൻ, ഫീൽഡ് ഓഫീസർ ഹെൻറി, ഇൻഡസ് ടവർ ക്വാളിറ്റി കണ്ട്രോൾ മാനേജർ വിനോദ്, സന്തോഷ്‌, നീരജ്, ബാലൻ, വി പി സുരേഷ്, കെ എം ജി ഫൗണ്ടേഷൻ ചെയർമാൻ എം ഗണേശൻ, മുൻ പ്രഥമ അധ്യാപിക മുരുഗേശ്വരി, സീനിയർ അധ്യാപിക സ്മിത ജേക്കബ്, നിത്യ എസ്, ജീൻ മേരി ടെൻസി, അജി എന്നിവർ പ്രസംഗിച്ചു. യോഗത്തിൽ സ്കൂൾ പി ടി ഏ പൂർവ്വ വിദ്യാർത്ഥിയായ ഗിന്നസ് മാടസാമിയെ പൊന്നാട അണിയിച്ചു ആദരിച്ചു.
