റേഡിയോ ജോക്കിയായി തുടക്കം കുറിച്ച്‌ ടെലിവിഷൻ അവതാരകനായി ശ്രദ്ധനേടിയ ആളാണ് സംവിധായകൻ കൂടിയായ ആർ.ജെ മാത്തുക്കുട്ടി. തന്റെ ജീവിതത്തിലെ ഒരു സന്തോഷ വാർത്ത ആരാധകരുമായി പങ്കുവയ്ക്കുകയാണ് മാത്തുകുട്ടി. തനിക്കും ഭാര്യ ഡോക്ടർ എലിസബത്തിനും ഒരു ആണ്‍കുഞ്ഞ് ജനിച്ചെന്ന് വാർത്തയാണ് മാത്തുക്കുട്ടി പങ്കുവച്ചത്. കുഞ്ഞിനൊപ്പമുള്ള ചിത്രവും സോഷ്യല്‍ മീഡിയയില്‍ പോസ്റ്റു ചെയ്തിട്ടുണ്ട്. കഴിഞ്ഞ വർഷം ജൂലൈയിലായിരുന്നു മാത്തുക്കുട്ടി വിവാഹിതനായത്. പെരുമ്പാവൂർ സ്വദേശിയും ക്യാനഡയില്‍ ഡോക്ടറുമായ എലിസബത്തിനെയാണ് മാത്തുക്കുട്ടി വിവാഹം കഴിച്ചത്.
ഏറെക്കാലത്ത പ്രണയത്തിനൊടുവിലാണ് സുഹൃത്തുകൂടിയായ എലിസബത്തിലെ മാത്തുക്കുട്ടി വിവാഹം കഴിച്ചത്.അനവധി പരിപാടികളില് അവതാരകനായി എത്തുന്ന മാത്തുക്കുട്ടി ‘ കുഞ്ഞെല്ദോ’ എന്ന ആസിഫ് അലി ചിത്രം സംവിധാനം ചെയ്തിട്ടുണ്ട്. മാത്തുക്കുട്ടിയും, കലേഷും അവതാരകരായി എത്തിയ മഴവില് മനോരമയിൽ സംപ്രേഷണം ചെയ്ത ‘ഉടൻ പണം’ എന്ന പരിപാടിയിലെ കല്ലു-മാത്തു കോമ്പോ ആരാധകർ ഏറ്റെടുത്തിരുന്നു. മാത്തുക്കുട്ടിയുടെ യഥാർത്ഥ പേര് അരുണ്‍ മാത്യൂ എന്നാണ്.
