മൂവി ഡെസ്ക്ക് : റാഫിയുടെ തിരക്കഥയില്‍ നാദിര്‍ഷ സംവിധാനം ചെയ്യുന്ന ‘സംഭവം നടന്ന രാത്രിയില്‍’ എന്ന സിനിമയുടെ ചിത്രീകരണം കൊച്ചിയില്‍ പൂര്‍ത്തിയായി.വ്യത്യസ്ഥ ഷെഡ്യൂളുകളോടെ അറുപതു ദിവസത്തോളം നീണ്ടു നിന്ന ചിത്രീകരണമാണ് ഇക്കഴിഞ്ഞ ദിവസം പൂര്‍ത്തിയായത്. കലന്തൂര്‍ എൻ്റെര്‍ടൈൻമെന്റ് പ്രൈവറ്റ് ലിമിറ്റഡിന്റെ ബാനറില്‍ കലന്തൂരാണ് ചിത്രം നിര്‍മ്മിക്കുന്നത്.
വലിയ മുതല്‍ മുടക്കില്‍ അണിയിച്ചൊരുക്കുന്ന ഈ ചിത്രം ഏറെ ദുരുഹതകള്‍ നിറഞ്ഞ സംഭവങ്ങള്‍ കോര്‍ത്തിണക്കിയാണ് അവതരിപ്പിച്ചിരിക്കുന്നത്. അര്‍ജുൻ അശോകനും മുബിൻ എം. റാഫിയുമാണ് ഈ ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്. ഞാൻ പ്രകാശൻ, മകള്‍ എന്നീ ചിത്രങ്ങളിലൂടെ ശ്രദ്ധേയയായ ദേവിക സഞ്ജയ് ആണ് നായിക.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഷൈൻ ടോം ചാക്കോ, ബൈജു സന്തോഷ്, സുധീര്‍ കരമന, ജോണി ആൻ്റണി, ജാഫര്‍ ഇടുക്കി, അശ്വത്ത് ലാല്‍, വിശ്വജിത്ത്, സുധീര്‍, സമദ്, കലാഭവൻ ജിൻ്റോ, ഏലൂര്‍ ജോര്‍ജ്, കലാഭവൻ റഹ്മാൻ, മാളവികാ മേനോൻ, നേഹ സക്സേന എന്നിവരും ചിത്രത്തിലുണ്ട്. ഹരി നാരായണൻ്റെ വരികള്‍ക്ക് ഹിഷാം അബ്ദുള്‍ വഹാബ് ഈണം പകര്‍ന്നിരിക്കുന്നു.
ഛായാഗ്രഹണം – ഷാജികുമാര്‍, എഡിറ്റിംഗ് – ഷമീര്‍ മുഹമ്മദ്, പ്രൊഡക്ഷൻ ഡിസൈനര്‍ – സന്തോഷ് രാമൻ, കോസ്റ്റ്യൂം ഡിസൈൻ – അരുണ്‍ മനോഹര്‍, മേക്കപ്പ് – റോണക്സ് സേവ്യര്‍, ചീഫ് അസോസിയേറ്റ് ഡയറക്ടര്‍ – ദീപക് നാരായണൻ, അസോസിയേറ്റ് ഡയറക്ടര്‍ – വിജീഷ് പിള്ള, പ്രൊജക്റ്റ് ഡിസൈനർ , സൈലക്സ് ഏബ്രഹാം, പ്രൊഡക്ഷൻ മാനേജര്‍ – ആന്റണി, പ്രൊഡക്ഷൻ എക്സിക്യൂട്ടീവ് – അപ്പു ഫഹദ്, പ്രൊഡക്ഷൻ കണ്‍ടോളര്‍ – ശ്രീകുമാര്‍ ചെന്നിത്തല, പി.ആര്‍.ഒ -വാഴൂര്‍ ജോസ്
