ലക്നൗ: ഇന്ത്യൻ ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ച്‌ ഉത്തര്‍പ്രദേശ് പേസര്‍ അങ്കിത് രജ്‌പുത്. 31-ാം വയസിലാണ് ഐപിഎല്ലില്‍ ചെന്നൈ സൂപ്പര്‍ കിംഗ്സ്, രാജസ്ഥാൻ റോയല്‍സ്, കൊല്‍ക്കത്ത നൈറ്റ് റൈഡേഴ്സ്, പഞ്ചാബ് കിംഗ്സ് ടീമുകള്‍ക്ക് കളിച്ചിട്ടുള്ള അങ്കിത് രജ്‌പുത് അപ്രതീക്ഷിത വിരമിക്കല്‍ പ്രഖ്യാപിച്ചത്.
Advertisements
ഇത്തവണത്തെ ഐപിഎല്‍ താരലേലത്തില്‍ അങ്കിതിനെ ആരും ടീമിലെടുത്തിരുന്നില്ല. ഇന്ത്യൻ ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ച അങ്കിത് ഇനി വിദേശ ടി20 ലീഗുകളില്‍ കളിക്കുമെന്നാണ് കരുതുന്നത്. 2009 മുതല്‍ 2024വരെ നീണ്ട കരിയറില്‍ തനിക്ക് പിന്തുണ നല്‍കിയ ബിസിസിഐക്കും ഉത്തര്‍പ്രദേശ് ക്രിക്കറ്റ് അസോസിയേഷനും കാണ്‍പൂര്‍ ക്രിക്കറ്റ് അസോസിയേഷനും നന്ദി അറിയിച്ചുകൊണ്ട് ഇന്‍സ്റ്റഗ്രാം പോസ്റ്റിലൂടെയാണ് അങ്കിത് വിരമിക്കല്‍ പ്രഖ്യാപനം നടത്തിയത്.
