സിനിമ ഡസ്ക് : രാം ചരണ്‍ – ബുച്ചി ബാബു സന ചിത്രം RC16 ന്റെ പൂജ നടന്നു. മെഗാസ്റ്റാർ ചിരഞ്ജീവി ക്ലാപ് നിർവഹിച്ചു. പ്രമുഖ പ്രൊഡക്ഷൻ ഹൗസായ മൈത്രി മൂവി മേക്കേഴ്‌സ് അവതരിപ്പിക്കുന്ന ചിത്രം വെങ്കട സതീഷ് കിലാരു ആണ് നിർമിക്കുന്നത്.ചിത്രത്തിന്റെ പൂജ ചടങ്ങുകൾ കഴിഞ്ഞു.ലോഞ്ചിംഗ് ചടങ്ങിൽ സിനിമയുടെ അണിയറപ്രവർത്തകർ അണിനിരന്നു.ചിത്രത്തിന്റെ മുഴുവൻ ടീമും സിനിമ ഇൻഡസ്ട്രിയിലെ വിശിഷ്ഠ വ്യക്തികളും ചടങ്ങില്‍ പങ്കെടുത്തു. രാം ചരണും ജാൻവി കപൂറിന്റെയും ആദ്യത്തെ ക്ലാപ് ചിരഞ്ജീവി നിർവഹിച്ചു. നിർമാതാവ് അല്ലു അരവിന്ദ് സ്ക്രിപ്പ്റ്റ്കൈ മാറിയപ്പോള്‍ ബോണി കപൂർ ക്യാമറ സ്വിച്ച്‌ ഓണ്‍ ചെയ്തു. സംവിധായകൻ ശങ്കർ ചിത്രത്തിന്റെ ആദ്യ ഷോട്ട് സംവിധാനം ചെയ്തു. ഓസ്കർ അവാർഡ് ജേതാവ് എ ആർ റഹ്മാനും ചടങ്ങില്‍ പങ്കെടുത്തു.പാൻ-ഇന്ത്യ തലത്തിൽ ഒരുങ്ങുന്ന ചിത്രത്തിൽ രാം ചരണിൻ്റെ നായികയായി ബോളിവുഡ് നടി ജാൻവി കപൂർ അഭിനയിക്കും. മൈത്രി മൂവി മേക്കേഴ്‌സ് ആണ് ചിത്രം വിതരണം ചെയ്യുന്നത്.സുകുമാർ റൈറ്റിംഗ്‌സിൻ്റെ സഹകരണത്തോടെ വൃദ്ധി സിനിമാസിൻ്റെ ബാനറിൽ വെങ്കട സതീഷ് കിളാരു ആണ് വമ്പൻ ക്യാൻവാസിൽ പ്രൊജക്റ്റ് നിർമ്മിക്കുന്നത്.എ ആർ റഹ്മാൻ ആണ് ഈ ചിത്രത്തിന്റെ സംഗീത സംവിധായകൻ.ചടങ്ങിൽ മറ്റ് അണിയറ പ്രവർത്തകരുടെ വിവരങ്ങളും പുറത്തുവിട്ടു. ശങ്കർ സംവിധാനം ചെയ്യുന്ന ഗെയിം ചേഞ്ചർ എന്ന ചിത്രമാണ് റാം ചരണിന്റെ അടുത്തതായി പുറത്തിറങ്ങുന്നത്. ഏകദേശം രണ്ടു വർഷക്കാലമായി ചിത്രത്തിന്റെ പണിപ്പുരയിലാണ് താരം ഇപ്പോൾ. അതിന് പിന്നാലെയാണ് പുത്തൻ സിനിമയുടെ ചിത്രീകരണം ആരംഭിക്കാൻ പോകുന്നത്.
പുത്തൻ ചിത്രവുമായി രാം ചരൺ : ബുച്ചി ബാബു സംവിധാനം ചെയ്യുന്ന സിനിമയുടെ പൂജ നടന്നു
