തന്റെ കഴിവ് ഇവിടെ തെളിയിച്ചു കഴിഞ്ഞു, കേരളത്തിലെ ഒരു റിയാലിറ്റി ഷോകളിലും പങ്കെടുക്കില്ല , ഇനി ലക്ഷ്യം ഇന്ത്യയെ പ്രതിനിധീകരിക്കുന്ന വൈൽഡ് റിയാലിറ്റി ഷോ : റംസാൻ
താൻ ഇനി കേരളത്തിലെ ഒരു റിയാലിറ്റി ഷോകളിലും പങ്കെടുക്കില്ലെന്ന് നർത്തകനും നടനുമായ റംസാൻ. സിനിമയിലേക്കുളള യാത്രയിലാണ് താനെന്നും, റിയാലിറ്റി ഷോയിലൂടെ കേരളത്തിൽ തന്റെ കഴിവ് തെളിയിക്കാൻ കഴിഞ്ഞിട്ടുണ്ടെന്നും റംസാൻ പറഞ്ഞു. മൈല്‍സ്റ്റോണ്‍ മേക്കേഴ്‌സിന് നല്‍കിയ അഭിമുഖത്തിലാണ് റംസാൻ ഇക്കാര്യം വ്യക്തമാക്കിയത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
തനിക്ക് കിട്ടിയ ഒരു വലിയ അവസരമായിരുന്നു അത്. അവസരത്തിന് വേണ്ടി കാത്തിരിക്കുന്ന ഒരുപാട് കുട്ടികളുണ്ട്. താൻ പങ്കെടുത്ത് അവരുടെ അവസരം നഷ്ടപ്പെടുത്താൻ ആഗ്രഹിക്കുന്നില്ലെന്നും റംസാൻ വ്യക്തമാക്കി. ഇനി കേരളത്തിന് പുറത്തെ റിയാലിറ്റി ഷോകളിൽ പങ്കെടുക്കാനാണ് ആഗ്രഹം.
ഇന്ത്യയെ പ്രതിനിധീകരിക്കുന്ന ഒരു വൈൽഡ് റിയാലിറ്റി ഷോയിൽ അവസരം ലഭിച്ചാൽ അതിൽ പങ്കെടുക്കാൻ ശ്രമിക്കും. അങ്ങനെയൊരു റിയാലിറ്റി ഷോയില്‍ പങ്കെടുക്കണമെങ്കിൽ നല്ല സെക്ഷൻ പ്രാക്ടീസ് വേണം. ഒരു വര്‍ഷത്തോളം എങ്കിലും പ്രാക്ടീസ് ചെയ്ത ശേഷമേ മത്സരിക്കാനായി പോവുകയുള്ളൂ. പങ്കെടുക്കണമെങ്കില്‍ അത്രയും പ്രാക്ടീസിന്റെ ആവശ്യം ഉണ്ട്.
നായകനായി തന്നെ ആദ്യം സിനിമയിൽ എത്തണമെന്ന ചിന്താഗതി തനിക്കില്ലെന്നും റംസാൻ കൂട്ടിച്ചേർത്തു. സൂപ്പർ ഡാൻസർ എന്ന റിയാലിറ്റി ഷോയിലൂടെയാണ് റംസാന്റെ തുടക്കം. പിന്നീട് ഡി ഫോർ ഡാൻസ് എന്ന റിയാലിറ്റി ഷോയിലൂടെ കൂടുതൽ പ്രേക്ഷക ശ്രദ്ധ നേടി.
ബിഗ് ബോസ് മലയാളം സീസൺ 3യിലേക്ക് പതിനൊന്നാം മത്സരാർത്ഥിയായി റംസാൻ എത്തിയിരുന്നു. ‘കിടു’, ‘ഡാന്‍സ് ഡാന്‍സ്’, ‘ഭീഷ്‍മ പർവം’ തുടങ്ങി എട്ടോളം സിനിമകളില്‍ റംസാൻ അഭിനയിച്ചിട്ടുണ്ട്.
