ചാവറ കൾചറൽ സെന്റർ പ്രഥമ ജോൺ പോൾ തിരക്കഥ പുരസ്‌കാരം സംവിധായകൻ രതീഷ് ബാലകൃഷ്ണൻ പൊതുവാളിന്. കുഞ്ചാക്കോ ബോബനെ നായകനാക്കി രതീഷ് സംവിധാനം ചെയ്ത ‘ന്നാ താൻ കേസ് കൊട്’ എന്ന ചിത്രത്തിനാണ് പുരസ്‌കാരം ലഭിച്ചത്.
പുരസ്ക്കാരവും 25,000 രൂപയുമാണ് സമ്മാനമായി ലഭിക്കുക. 22ന് എറണാകുളം ടൗൺ ഹാളിൽ നടക്കുന്ന ചാവറ കൾചറൽ സെന്റർ സുവർണ ജൂബിലി സമാപന സമ്മേളനത്തിൽ പുരസ്‌കാരം സമ്മാനിക്കും. സന്തോഷ് ടി കുരുവിളയും കുഞ്ചാക്കോ ബോബനും ചേർന്നാണ് ചിത്രം നിർമ്മിച്ചിരിക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അതേസമയം, രതീഷ് ബാലകൃഷ്ണൻ തിരക്കഥ രചിച്ച് പുറത്തിറങ്ങിയ ‘മദനോത്സവം’ നിറഞ്ഞ സദസ്സിൽ തിയേറ്ററുകളിൽ പ്രദർശനം തുടരുകയാണ്. സുരാജ് വെഞ്ഞാറമൂട് കേന്ദ്ര കഥാപാത്രത്തെ അവതരിപ്പിക്കുന്ന ചിത്രത്തിൽ ബാബു ആന്റണി, ഭാമ അരുണ്‍, രാജേഷ് മാധവന്‍, പി പി കുഞ്ഞികൃഷ്ണന്‍, രഞ്ജി കാങ്കോല്‍, രാജേഷ് അഴിക്കോടന്‍, ജോവല്‍ സിദ്ധിഖ്, സ്വാതിദാസ് പ്രഭു, സുമേഷ് ചന്ദ്രന്‍ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
വിനായക അജിത്ത് നിർമ്മിക്കുന്ന ചിത്രത്തിന്റെ ഛായാഗ്രഹണം നിർവഹിക്കുന്നത് ഷെഹ്നാദ് ജലാല്‍ ആണ്. എഡിറ്റിങ്ങ് – വിവേക് ഹര്‍ഷന്‍, ക്രിയേറ്റീവ് പ്രൊഡ്യൂസര്‍ – ജെയ് കെ, പ്രൊഡക്ഷന്‍ ഡിസൈനര്‍ – ജ്യോതിഷ് ശങ്കര്‍, സംഗീത സംവിധാനം – ക്രിസ്റ്റോ സേവിയര്‍, അസ്സോസിയേറ്റ് ഡയറക്ടര്‍ – അഭിലാഷ് എം യു.
