സിനിമയ്ക്ക് മികച്ച മൗത്ത് പബ്ലിസിറ്റി ലഭിക്കുക എന്നത് വലിയൊരു കാര്യമാണ്. ഈ പ്രേക്ഷ പ്രതികരണമാണ് സിനിമയുടെ ജയ-പരാജയങ്ങള്‍ തീരുമാനിക്കുന്നത്. ഈ ട്രെന്റാണ് മലയാള സിനിമ ഇപ്പോള്‍ പിന്തുടരുന്നതും. അത്തരത്തില്‍ സൂപ്പര്‍ താരങ്ങളൊന്നും ഇല്ലാതെ എത്തി, പ്രേക്ഷ- നിരൂപക പ്രശംസകള്‍ ഒരുപോലെ നേടിയ ചിത്രമായിരുന്നു ആര്‍ഡിഎക്സ്. ഷെയ്ൻ നിഗം, ആന്റണി വര്‍ഗീസ്, നീരജ് മാധവ് തുടങ്ങിയ യുവതാരങ്ങളെ കേന്ദ്ര കഥാപാത്രമാക്കി നഹാസ് ഹിദായത്ത് ആണ് ആര്‍ഡിഎക്സ് സംവിധാനം ചെയ്തത്.
ഓണം റിലീസ് ആയി ഓഗസ്റ്റ് 25ന് ആയിരുന്നു ആര്‍ഡിഎക്സ് തിയറ്ററുകളില്‍ എത്തിയത്. എന്നാല്‍ ഒപ്പം വന്നവരെയും പിന്നീട് വന്നവരെയും പിന്തള്ളിക്കൊണ്ട് ആര്‍ഡിഎക്സ് വിജയഗാഥ രചിച്ചു. മുൻവിധികളെ മാറ്റി മറിച്ച ചിത്രം 100 കോടി ക്ലബ്ബിലും ഒടുവില്‍ ഇടം നേടി. ഇപ്പോഴിതാ ആര്‍ഡിഎക്സ് റിലീസ് ചെയ്തിട്ട് അൻപതാം ദിവസം പിന്നിടുകയാണ്. ഈ സന്തോഷം അണിയറ പ്രവര്‍ത്തകര്‍ പങ്കുവച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ചിത്രത്തിന്റെ മേക്കിംഗ് വീഡിയോ ആണ് അണിയറ പ്രവര്‍ത്തകര്‍ പുറത്തുവിട്ടിരിക്കുന്നത്. ഫൈറ്റ് സീനുകള്‍, ഫൈറ്റ് പ്രാക്ടീസുകള്‍, ഷൂട്ടിംഗ് തുടങ്ങി എല്ലാ രംഗങ്ങളും ഉള്‍ക്കൊള്ളിച്ചുള്ളതാണ് വീഡിയോ. ഷെയ്നും ആന്റണിയും നീരജും ഈ വീഡിയോ പങ്കുവച്ചിട്ടുണ്ട്. “ഈ നാഴികക്കല്ല് ആഘോഷിക്കാൻ ലൊക്കേഷനിലേക്ക് ഒരു തിരിഞ്ഞു നോട്ടം. ഞങ്ങളുടെ യാത്ര അവിസ്മരണീയമാക്കിയതിന് നന്ദി!”, എന്ന കുറിപ്പോടെ ആണ് ഇവര്‍ വീഡിയോ ഷെയര്‍ ചെയ്തത്.
