സ്പോർട്സ് ഡെസ്ക്ക് : കേരള കര്‍ണാടക പോരാട്ടം സമനിലയില്‍ അവസാനിച്ചു. കേരളത്തിന്റെ രണ്ടാം ഇഞിങ്സ് 94-4 എന്ന നിലയില്‍ നില്‍ക്കുമ്പോഴാണ് കളി സമനിലയില്‍ അവസാനിപ്പിക്കാന്‍ തീരുമാനം ആയത്.37 റണ്‍സുമായി സച്ചിന്‍ ബേബി കേരളത്തിന്റെ രണ്ടാം ഇന്നിങ്സിലെയും ടോപ് സ്കോറര്‍ ആയി. ആദ്യ ഇന്നിങ്സില്‍ സച്ചിന്‍ ബേബ്ബി 142 റണ്‍സ് എടുത്തിരുന്നു.
ആദ്യ ഇന്നിങ്സില്‍ ലീഡ് നേടിയ കര്‍ണാടക രഞ്ജി ക്വാര്‍ട്ടര്‍ ഉറപ്പിച്ചു. രണ്ടാം ഇന്നിങ്സില്‍ കര്‍ണാടക 485/9 എന്ന നിലയില്‍ ഡിക്ലയര്‍ ചെയ്തിരുന്നു. അവര്‍ 143 റണ്‍സിന്റെ ലീഡ് ആണ് നേടിയത്.മായങ്ക് അഗര്‍വാളിന്റെ ഇരട്ട സെഞ്ച്വറിയുടെ മികവില്‍ ആയിരുന്നു കര്‍ണാടക വലിയ സ്കോര്‍ ആദ്യ ഇന്നിങ്സില്‍ നേടിയത്. ആദ്യ ഇന്നിങ്സില്‍ കേരളത്തിനായി വൈശാഖ് ചന്ദ്രന്‍ മൂന്ന് വിക്കറ്റ് വീഴ്ത്തി. നിധീഷ്, ജലജ് സക്സേന എന്നിവര്‍ രണ്ട് വിക്കറ്റ് വീതവും സിജോ മോന്‍, അക്ഷയ് എന്നിവര്‍ ഒരോ വിക്കറ്റ് വീതവും നേടി.
