കേരളത്തിന്റെ രക്ഷകനായി വീണ്ടും സഞ്ജു സാംസൺ ; രഞ്ജി ട്രോഫിയില്‍ രാജസ്ഥാനെതിരെ തകര്‍ച്ചയില്‍ നിന്ന് കരകയറി കേരളം ; അർധ സെഞ്ചുറിയുമായി പുറത്താകാതെ സഞ്ജു

സ്പോർട്സ് ഡെസ്ക്ക് : രാജസ്ഥാനെതിരെ രഞ്ജി ട്രോഫിയില്‍ തകര്‍ച്ചയില്‍ നിന്ന് തിരികെ ട്രാക്കിലേക്ക് കേരളത്തെ എത്തിച്ച്‌ സഞ്ജു സാംസണ്‍.സച്ചിന്‍ ബേബിയ്ക്കൊപ്പം മികച്ച നാലാം വിക്കറ്റ് കൂട്ടുകെട്ട് പടുത്തുയര്‍ത്തിയാണ് സഞ്ജു കേരളത്തെ മുന്നോട്ട് നയിച്ചത്.

രാജസ്ഥാന് വേണ്ടി അനികേത് ചൗധരി 3 വിക്കറ്റ് നേടി.30 ഓവറില്‍ 110/3 എന്ന നിലയിലാണ് കേരളം. ഒരു ഘട്ടത്തില്‍ 31/3 എന്ന നിലയിലായിരുന്നു കേരളം. സഞ്ജു 50 റണ്‍സും സച്ചിന്‍ ബേബി 28 റണ്‍സും നേടി ക്രീസിലുണ്ട്. നേരത്തെ 310/5 എന്ന നിലയിലായിരുന്ന രാജസ്ഥാനെ കേരളം 337 റണ്‍സിന് ഓള്‍ഔട്ട് ആക്കിയിരുന്നു.