മുംബൈ: ഇന്ത്യൻ പ്രീമിയർ ലീഗ് പുരോഗമിക്കുമ്പോഴും രോഹിത് ശർമ്മയുടെ ഭാവിയാണ് ചർച്ചയാകുന്നത്. നായക സ്ഥാനത്ത് നിന്ന് മാറിയ രോഹിത് മുംബൈ ഇന്ത്യൻസ് വിടുമെന്നാണ് സൂചന. തീരുമാനം അറിയണമെങ്കിൽ അടുത്ത സീസൺ വരെ കാത്തിരിക്കണം. രോഹിത് ശർമ്മയെ ചെന്നൈ സൂപ്പർ കിംഗ്സിന്റെ നായകനായി കാണാൻ ആഗ്രഹിക്കുന്നുവെന്ന് മുൻ താരം അമ്പാട്ടി റായിഡു പറഞ്ഞിരുന്നു.ഇപ്പോൾ അമ്പാട്ടി റായിഡു മറ്റൊരു ചോദ്യം നേരിടുകയാണ്. രോഹിത് ശർമ്മ റോയൽ ചലഞ്ചേഴ്സിൽ എത്തുമെന്നായിരുന്നു റായിഡു നേരിട്ട ചോദ്യം. റോയൽ ചലഞ്ചേഴ്സിന് രോഹിതിനെ വേണോയെന്ന് തനിക്ക് അറിയില്ലെന്ന് റായിഡു മറുപടി നൽകി.ഏത് ടീമിലേക്ക് പോകണമെന്നത് രോഹിതിന്റെ ഇഷ്ടമാണ്. ഇത്ര മികച്ച ഒരു നായകനെ ലഭിക്കാൻ ഏത് ടീമിനാണ് ആഗ്രഹമില്ലാത്തത്. മറ്റേത് ടീമും മുംബൈയെക്കാൾ മികച്ച രീതിയിൽ രോഹിതിനെ കൂടെ നിർത്തുമെന്നും അമ്പാട്ടി റായിഡു വ്യക്തമാക്കി.
Advertisements
