ആർപ്പുക്കര : ആർപ്പുക്കര ജില്ലാ പഞ്ചായത്ത് അതിരമ്പുഴ ഡിവിഷൻ ഫണ്ട്‌ മുപ്പത് ലക്ഷം രൂപ വിനിയോഗിച്ച് നിർമ്മാണം പൂർത്തീകരിച്ച ആർപ്പുക്കര കസ്തുർബ- ആറാട്ടുകടവ് റോഡ് നവീകരണത്തിന്റെയും ഓടയുടെയും ഉദ്ഘാടനം ജില്ലാ പഞ്ചായത്തംഗം ഡോ. റോസമ്മ സോണി നിർവഹിച്ചു. ആർപ്പുക്കര പഞ്ചായത്തിൽ ഒരു കോടി അമ്പത് ലക്ഷം രൂപയുടെ വികസന പ്രവർത്തനങ്ങൾ പൂർത്തീകരിച്ചതായി ജില്ലാ പഞ്ചായത്ത് മെമ്പർ ഡോ. റോസമ്മ സോണി പറഞ്ഞു.
ആർപ്പുക്കര പഞ്ചായത്ത് പ്രസിഡന്റ്‌ അഞ്ചു മനോജിന്റെ അദ്ധ്യക്ഷതയിൽ ചേർന്ന യോഗത്തിൽ വാർഡ് മെമ്പർ അരുൺ ഫിലിപ്പ്, ബ്ലോക്ക്‌ പഞ്ചായാത്തംഗങ്ങളായ അന്നമ്മ മാണി, എസ്സി. കെ. തോമസ് പഞ്ചായത്ത് വൈസ് പ്രസിഡന്റ്‌ റോയി പുതുശ്ശേരി, ഗ്രാമ പഞ്ചായത്തംഗങ്ങളായ ജസ്റ്റിൻ ജോസഫ്, സുനിത ബിനു, വിഷ്ണു വിജയൻ, ദീപ ജോസ്, ഓമന സണ്ണി, ലൂക്കോസ് ഫിലിപ്പ് റോസിലി ടോമിച്ചൻ,ആനന്ദ് പഞ്ഞിക്കാരൻ, ജോൺസൺ ജോസഫ്, ജിബിൻ ജോസഫ്, അരുൺ. പി. ഭാസ്കരൻ, ബാലകൃഷ്ണൻ കെ എന്നിവർ പ്രസംഗിച്ചു.
