തലയോലപ്പറമ്പ്: എസ് എൻ ഡിപി യോഗം കെ ആർ നാരായണൻ സ്മാരക തലയോലപ്പറമ്പ് യൂണിയനിലെ ബ്രഹ്മമംഗലം ഈസ്റ്റ്‌ 5017 ശാഖയിലെ 14-ആമത് സഹോദരൻ അയ്യപ്പൻ സ്മാരക കുടുംബ സംഗമവും കൗമാരനാശാന്റെ 150ആമത് ജന്മദിനാഘോഷവും നടത്തി. യൂണിയൻ സെക്രട്ടറി അഡ്വ എസ് ഡി സുരേഷ് ബാബുവാണ് ഉൽഘാടനം ചെയ്തത്. ശാഖ വൈസ് പ്രസിഡന്റ്‌ സി വി ദാസൻ അധ്യക്ഷത വഹിച്ചു. ശാഖ സെക്രട്ടറി വിസി. സാബു സ്വാഗതം ആശംസിച്ചു. യൂണിയൻ കമ്മിറ്റി അംഗം അഡ്വ പിവി സുരേന്ദ്രൻ സംഘടനാ സന്ദേശം നൽകി.
അഡ്വ മോഹൻദാസ് മുഖ്യ പ്രഭാഷണം നടത്തി. ഇന്ത്യ ബുക്ക്‌ ഓഫ് റെകോർഡ്‌സിൽഇടം നേടിയ ശ്രേയസ്സ് ഗിരീഷ്, ദീർഘദൂരഓട്ടത്തിൽ സമ്മാനം നേടിയ സന്തോഷ്‌ മൂഴിക്കരോട്ട് എന്നിവരെ ഉൽഘാടകൻ ആദരിച്ചു.യൂണിറ്റ് ചെയർമാൻ പ്രകാശൻ മൂഴിക്കാരോട്ട്, ജി സോമൻ, വനിതാ സംഘം നേതാക്കളായ ജയ അനിൽ, ധന്യ പുരുഷോത്തമൻ, ബീന പ്രകാശ്, വിമല ശിവാനന്ദൻ, അമ്പിളി സനീഷ് തുടങ്ങിയവർ പ്രസംഗിച്ചു.
