തെന്നിന്ത്യൻ താരം സായിപല്ലവിയുടെ അനുജത്തിയുടെ വിവാഹ ചിത്രങ്ങള്‍ സോഷ്യല്‍ മീഡിയില്‍ തരംഗമായി മാറിയിരുന്നു. തമിഴ്നാട്ടിലെ കോത്തഗിരിയില്‍ വച്ചായിരുന്നു സായ്പല്ലവിയുടെ അനുജത്തി പൂജാ കണ്ണനും വിനീതുമായുള്ള വിവാഹം. പരമ്ബരാഗത ചടങ്ങുകളോടെ നടന്ന വിവാഹത്തില്‍ ഓടിനടന്ന് തന്റെ ഉത്തരവാദിത്തങ്ങള്‍ നിറവേറ്റുന്ന സായിപല്ലവിയുടെ ചിത്രങ്ങള്‍ ഇതിനോടകം വൈറലായി മാറിയിരുന്നു. ഇതിനുപിന്നാലെയാണിപ്പോള്‍ മെഹന്ദി ചടങ്ങിന്റെ ചിത്രങ്ങളും പൂജ പങ്കുവച്ചിരിക്കുന്നത്.
പൂജയുടെ കല്യാണത്തിന് സായ്പല്ലവി ആയിരുന്നു മെഹന്ദി ആർട്ടിസ്റ്റ്. തന്റെ കൈകളില്‍ മനോഹരമായി മെഹന്ദി അണിയിക്കുന്ന ചേച്ചിയുടെ ചിത്രങ്ങള്‍ പൂജാ കണ്ണൻ തന്നെയാണ് ഇൻസ്റ്റഗ്രാമില്‍ പങ്കുവച്ചത്. പിങ്ക് നിറത്തിലുള്ള ലഹങ്കയാണ് പൂജയുടെ വേഷം. സായ് പല്ലവിയുടേത് എപ്പോഴത്തെയും പോലെ വളരെ ലളിതമായ വേഷമായിരുന്നു. ബീജ് നിറത്തിലുള്ള കുർത്തി സെറ്റായിരുന്നു ധരിച്ചിരുന്നത്. മെഹന്ദിയണിയിക്കാൻ സായ് പല്ലവിയെ വിളിക്കുന്ന വീഡിയോയും പൂജ പങ്കുവച്ചിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സഹോദരിമാർ അവരുടെ കുടുംബാംഗങ്ങള്‍ക്കൊപ്പം നൃത്തം ചെയ്യുന്ന മനോഹരമായ നിമിഷങ്ങളാണ് വീഡിയോയിലുള്ളത്. മെഹന്ദി, സംഗീത് , കല്യാണം തുടങ്ങി നിരവധി പരിപാടികളും തുടർന്ന് റിസപ്ഷനും പൂജയ്‌ക്ക് ഉണ്ടായിരുന്നു. ഈ വർഷം ജനുവരി 21 നായിരുന്നു ഇരുവരുടെയും വിവാഹ നിശ്ചയം.
