സ്പോർട്സ് ഡെസ്ക്ക് : സമീപകാലത്ത് ഇന്ത്യൻ ക്രിക്കറ്റില്‍ വളരെയധികം ചര്‍ച്ചയായ ഒന്നാണ് സഞ്ജു സാംസന്റെ ബാറ്റിംഗ് മനോഭാവം. പലപ്പോഴും മൈതാനത്ത് ആക്രമണപരമായ ബാറ്റിംഗ് പ്രകടനം കാഴ്ചവയ്ക്കുകയാണ് സഞ്ജു ചെയ്യാറുള്ളത്.സ്വന്തം നേട്ടങ്ങള്‍ക്കുപരിയായി തന്റെ ടീമിനെ വിജയത്തിലെത്തിക്കാനായി കയ്യും മെയ്യും മറന്നു പൊരുതുക എന്നതാണ് സഞ്ജു ഇന്ത്യൻ പ്രീമിയര്‍ ലീഗിലടക്കം ചെയ്തു വരുന്നത്. ഇക്കാര്യത്തില്‍ സഞ്ജുവിനെ പ്രശംസിച്ചുകൊണ്ട് രംഗത്ത് എത്തിയിരിക്കുകയാണ് രാജസ്ഥാന്റെ ഓപ്പണര്‍ യശസ്വി ജയസ്‌വാള്‍. സഞ്ജുവിനുള്ളത് ഒരു അവിസ്മരണീയമായ മനോഭാവമാണ് എന്ന് ജയസ്‌വാള്‍ പറയുന്നു.
എല്ലായിപ്പോഴും സഞ്ജു സാംസണ്‍ തന്റെ വ്യക്തിഗത നേട്ടങ്ങള്‍ക്കപ്പുറം ടീമിന്റെ വിജയമാണ് മുന്നില്‍ കാണുന്നത് എന്നാണ് ജയസ്‌വാള്‍ പറയുന്നത്. “സഞ്ജു സാംസന്റെ മാനസികാവസ്ഥ അവിസ്മരണീയം തന്നെയാണ്. അവൻ നമുക്കായി കളിക്കുമ്പോള്‍ ടീമിനെ വിജയിപ്പിക്കാൻ പരമാവധി ശ്രമിക്കും. അതിനായി അതിവേഗത്തില്‍ റണ്‍സ് കണ്ടെത്താനും സഞ്ജു സാംസണ്‍ ശ്രമിക്കാറുണ്ട്. അതുകൊണ്ടുതന്നെ സഞ്ജു സാംസനൊപ്പം ബാറ്റ് ചെയ്യാൻ ഞാൻ നന്നായി ഇഷ്ടപ്പെടുന്നു.”- ജയസ്‌വാള്‍ പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
നിലവില്‍ ഇന്ത്യയുടെ വെസ്റ്റിൻഡീസിനെതിരായ ഏകദിന – ട്വന്റി20 പരമ്പരയ്ക്കുള്ള സ്ക്വാഡിലെ അംഗമാണ് സഞ്ജു സാംസണ്‍. വെസ്റ്റിൻഡീസിനെതിരായ പരമ്ബരകളില്‍ മികച്ച പ്രകടനം പുറത്തെടുത്താല്‍ സഞ്ജുവിന് ഇന്ത്യൻ ടീമിലെ സ്ഥിര സാന്നിധ്യമായി മാറാൻ സാധിക്കും. മാത്രമല്ല വരാനിരിക്കുന്ന ഏഷ്യാകപ്പിലും ലോകകപ്പിലും ഇന്ത്യക്കായി കളിക്കാനുള്ള അവസരവും ഇതിലൂടെ വന്നു ചേര്‍ന്നേക്കും.
