ബാഗ്ലൂർ : ഇന്ത്യയുടെ മലയാളി വിക്കറ്റ് കീപ്പര്‍ ബാറ്റര്‍ സഞ്ജു സാംസണ്‍ മത്സര ക്രിക്കറ്റിലേക്ക് മടങ്ങിയെത്തുന്നു. കാല്‍മുട്ടിന് പരിക്കേറ്റ് വിശ്രമത്തിലായിരുന്ന താരം പരിക്ക് ഭേദമായെന്ന് വ്യക്തമാക്കി ഇന്‍സ്റ്റഗ്രാമില്‍ ഫോട്ടോ പോസ്റ്റ് ചെയ്തു.
‘എല്ലാം സജ്ജം, പോരിന് ഒരുങ്ങി…’- എന്ന കുറിപ്പോടെയാണ് പരിശീലനത്തിന് ഒരുങ്ങുന്ന തരത്തിലുള്ള ചിത്രം താരം പോസ്റ്റ് ചെയ്തത്. ശ്രീലങ്കക്കെതിരായ ടി20 പരമ്പരയ്ക്കുള്ള ഇന്ത്യന്‍ ടീമില്‍ സഞ്ജു സ്ഥാനം നേടിയിരുന്നു. ആദ്യ ടി20 പോരാട്ടത്തിനിടെയാണ് താരത്തിന് പരിക്കേറ്റത്. വിജയ ലക്ഷ്യം പിന്തുടര്‍ന്ന് ശ്രീലങ്ക ബാറ്റ് ചെയ്യുന്നതിനിടെ ക്യാച്ചെടുക്കാന്‍ ശ്രമിക്കുമ്പോഴാണ് സഞ്ജുവിന് പരിക്കേറ്റത്. പിന്നാലെ ദേശീയ ക്രിക്കറ്റ് അക്കാദമിയില്‍ ചികിത്സയിലായിരുന്നു താരം.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
നിലവില്‍ ഇന്ത്യ- ന്യൂസിലന്‍ഡ് ടി20 പോരാട്ടം നടക്കുന്നുണ്ട്. ആദ്യ പോരാട്ടത്തില്‍ ഇന്ത്യ പരാജയപ്പെട്ടു. രണ്ടാം പോരാട്ടം നാളെ ലഖ്‌നൗവില്‍ അരങ്ങേറും. അവസാന പോരാട്ടത്തില്‍ സഞ്ജുവിന് അവസരം ലഭിക്കുമോ എന്നാണ് ആരാധകര്‍ ഉറ്റുനോക്കുന്നത്.
