സ്പോർട്സ് ഡെസ്ക്ക് ; ഏകദിന ലോകകപ്പിന്റെ ആവേശം ആരംഭിക്കുകയാണ്. ലോകകപ്പിന് മുന്നോടിയായുള്ള സന്നാഹ മത്സരങ്ങള്‍ ഇന്ന് ആരംഭിക്കും.ഉച്ചതിരിഞ്ഞ് 2 മണിക്കാണ് സന്നാഹ മത്സരങ്ങള്‍ ആരംഭിക്കുക. ലോകകപ്പിനായി എല്ലാ ടീമുകളും ഇന്ത്യയിലേക്ക് എത്തിക്കഴിഞ്ഞു. ഏഴു വര്‍ഷങ്ങള്‍ക്ക് ശേഷമാണ് പാക്കിസ്ഥാൻ ടീം ഒരു ലോകകപ്പിനായി ഇന്ത്യൻ മണ്ണിലേക്ക് എത്തുന്നത്. വലിയ സ്വീകരണം തന്നെയായിരുന്നു പാക്കിസ്ഥാൻ ടീമിന് ഹൈദരാബാദില്‍ ലഭിച്ചത്.
ഇന്ത്യയില്‍ ലഭിച്ച വലിയ സ്വീകരണത്തിന് പാക്കിസ്ഥാൻ നായകൻ ബാബര്‍ ആസാം അടക്കമുള്ളവര്‍ നന്ദി പറയുകയുമുണ്ടായി. പാക്കിസ്ഥാൻ ഇന്ത്യയില്‍ എത്തിയതിന് ശേഷം ഒരു ചിത്രം വലിയ രീതിയില്‍ സാമൂഹ്യ മാധ്യമങ്ങളില്‍ ശ്രദ്ധ പിടിച്ചു പറ്റുകയുണ്ടായി.നിലവിലെ പാക്കിസ്ഥാൻ ഉപനായകനും ഓള്‍ റൗണ്ടറുമായ ശദാബ് ഖാനും ഇന്ത്യൻ വിക്കറ്റ് കീപ്പര്‍ ബാറ്റര്‍ സഞ്ജു സാംസണും ഒരു വേദിയില്‍ സമയം പങ്കിടുന്നതിന്റെ ചിത്രമാണ് സാമൂഹ്യ മാധ്യമങ്ങള്‍ കീഴടക്കിയിരിക്കുന്നത്. ഇരുവരും പരസ്പരം തമാശ പറഞ്ഞ് ചിരിക്കുന്ന ചിത്രമാണ് ഇപ്പോള്‍ ചര്‍ച്ചയായിരിക്കുന്നത്. പുറത്തുവന്ന നിമിഷങ്ങള്‍ക്കകം തന്നെ ഈ ചിത്രം വലിയ രീതിയില്‍ ശ്രദ്ധ നേടുകയുണ്ടായി. ഐസിസി ലോകകപ്പിനോട് അനുബന്ധിച്ച്‌ സംഘടിപ്പിച്ച ഒരു പരിപാടിയില്‍ നിന്നുള്ള ചിത്രമാണ് ഇത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇന്ത്യയുടെയും പാക്കിസ്ഥാന്റെയും താരങ്ങള്‍ തമ്മില്‍ അപൂര്‍വമായി മാത്രമേ ഇത്തരം വേദികളില്‍ കണ്ടുമുട്ടാറുള്ളൂ. മൈതാനത്തും മൈതാനത്തിന് പുറത്തും ഇരു രാജ്യങ്ങളിലെയും കളിക്കാര്‍ സൗഹൃദം കാത്തുസൂക്ഷിക്കാറുണ്ട്. എന്നാല്‍ ഇത്തരം വേദി പങ്കിടലുകള്‍ അപൂര്‍വമാണ്. ആ സാഹചര്യത്തില്‍ കൂടിയാണ് ചിത്രം ഇത്രമാത്രം ശ്രദ്ധ പിടിച്ചു പറ്റിയത്.
മാത്രമല്ല മലയാളി താരം സഞ്ജു സാംസണ്‍ ലോകത്താകമാനം ആരാധകരുള്ള ക്രിക്കറ്ററാണ്. അതിനാല്‍ തന്നെ സഞ്ജുവിനെ ചേര്‍ത്തു നിര്‍ത്തിയുള്ള പ്രമോഷന് ഐസിസി തയ്യാറാവുന്നു എന്ന രീതിയിലുള്ള കമന്റുകളും ചിത്രത്തിന്റെ താഴെ കാണാൻ സാധിക്കും.
നിലവില്‍ ഇത്തവണത്തെ ഏകദിന ലോകകപ്പിനുള്ള ടീമില്‍ മലയാളി തരം സഞ്ജു സാംസണെ ഉള്‍പ്പെടുത്തിയിട്ടില്ല.
