ന്യൂഡൽഹി : ദക്ഷിണാഫ്രിക്കക്കെതിരായ ഏകദിന പരമ്ബരക്കുള്ള ഇന്ത്യന്‍ ടീമിനെ പ്രഖ്യാപിച്ചു. ശിഖര്‍ ധവാനാണ് ടീമിനെ നയിക്കുക.ശ്രേയസ് അയ്യറാണ് ഉപനായകന്‍. ആരാധകരെ ആവേശത്തിലാക്കി മലയാളികളുടെ സ്വന്തം സഞ്ജു സാംസണ്‍ ടീമില്‍ തിരിച്ചെത്തി. സഞ്ജുവിനൊപ്പം ഋതുരാജ് ഗെയ്ക് വാദും ശുഭ്മാന്‍ ഗില്ലും രാഹുല്‍ ത്രിപാഠിയും ഇഷാന്‍ കിഷനും ശര്‍ദുല്‍ താക്കൂറും ടീമിലിടം പിടിച്ചു. പുതുമുഖങ്ങളായ രജത് പഠീദാറും മുകേഷ് കുമാറും ടീമിലിടം പിടിച്ചിട്ടുണ്ട്. ടി20 ലോകകപ്പിന് തയ്യാറെടുക്കുന്നതിനാല്‍ ലോകകപ്പ് ടീമിലെ മുഴുവന്‍ താരങ്ങള്‍ക്കും വിശ്രമം നല്‍കിയാണ് ഏകദിന പരമ്ബരക്കുള്ള ടീമിനെ പ്രഖ്യാപിച്ചത്.
രജത് പഠീദാറിനും മുകേഷ് കുമാറിനും ഇത് ആദ്യമായാണ് ഇന്ത്യന്‍ ടീമിലേക്ക് ക്ഷണമെത്തുന്നത്. മൂന്ന് മത്സരങ്ങളടങ്ങിയ പരമ്ബര ഒക്ടോബര്‍ 6 നാണ് ആരംഭിക്കുന്നത്. ലഖ്‌നൗവിലും റാഞ്ചിയിലും ഡല്‍ഹിയിലുമായാണ് മത്സരങ്ങള്‍ അരങ്ങേറുക.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ടീം ഇങ്ങനെ: ശിഖര്‍ ധവാന്‍ (C), ശ്രേയസ് അയ്യര്‍ (VC), ഋതുരാജ് ഗെയ്ക് വാദ്, ശുഭ്മാന്‍ ഗില്‍,രജത് പഠീദാര്‍ ,രാഹുല്‍ ത്രിപാഠി, ഇഷാന്‍ കിഷന്‍ (WK), സഞ്ജു സാംസണ്‍ (WK), ഷഹബാസ് അഹ്മദ്, കുല്‍ദീപ് യാദവ്, രവി ബിഷ്‌ണോയ്, മുകേഷ് കുമാര്‍, ആവേശ് ഖാന്‍, മുഹമ്മദ് സിറാജ്, ദീപക് ചഹാര്‍.
