സ്പോർട്സ് ഡെസ്ക്ക് : സന്തോഷ് ട്രോഫി ഫൈനല്‍ റൗണ്ടിലെ ആദ്യ മത്സരത്തില്‍ കേരളത്തിന് വിജയം. ഇന്ന് അരുണാചല്‍ പ്രദേശില്‍ നടന്ന മത്സരത്തില്‍ ആസാമിനെ നേരിട്ട കേരളം ഒന്നിനെതിരെ മൂന്നു ഗോളുകള്‍ക്ക് ആണ് വിജയിച്ചത്.മത്സരം ആരംഭിച്ച്‌ 19ആം മിനുട്ടില്‍ ലീഡ് എടുക്കാൻ കേരളത്തിനായി. ഒരു കിടലൻ ഇടം കാലൻ കേർലറിലൂടെ അബ്ദു റഹീം ആണ് കേരളത്തിന് ലീഡ് നല്‍കിയത്. ആദ്യ പകുതി 1-0 എന്ന സ്കോറിന് അവസാനിച്ചു. രണ്ടാം പകിതിയില്‍ 67ആം മിനുട്ടില്‍ സജീഷിന്റെ ഗോളില്‍ കേരളം ലീഡ് ഇരട്ടിയാക്കി.
മുഹമ്മദ് ആശിഖിന്റെ അസിസ്റ്റില്‍ നിന്നായിരുന്നു ഈ ഗോള്‍. 77ആം മിനുട്ടില്‍ ഒരു ഗോള്‍ മടക്കിയത് കളിക്ക് ആവേശകരമായ ഫിനിഷ് നല്‍കി. അവസാനം 94ആം മിനുട്ടില്‍ നിജോ ഗില്‍ബേർടിന്റെ ഒരു ഗോളില്‍ കേരളം വിജയം ഉറപ്പിച്ചു. നിജോ മനോഹരമായി ബോക്സില്‍ നിന്ന് ഇടം കാലിലേക്ക് പന്ത് മാറ്റി ഒരു നല്ല ഷോട്ടിലൂടെ നിയർ പോസ്റ്റില്‍ ആസാം ഗോള്‍ കീപ്പറെ കീഴ്പ്പെടുത്തുകയായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇനി ഫെബ്രുവരി 23ന് ഗോവയ്ക്ക് എതിരെയാണ് കേരളം ഇറങ്ങേണ്ടത്‌
