സ്‌പൈഡര്‍ മാന്‍ ചിത്രത്തിന്റെ നാലാം ഭാഗം ഒരുങ്ങുന്നു. ടോം ഹോളണ്ട് കേന്ദ്ര കഥാപാത്രമായ ചിത്രത്തിന്റെ നാലാം ഭാഗം ഒരുങ്ങുന്നുവെന്ന വിവരം മാര്‍വല്‍ സ്റ്റുഡിയോസ് ആണ് അറിയിച്ചത്.
ചിത്രത്തിന്റെ നാലാം ഭാഗത്തിന്റെ കഥ ലഭിച്ചിട്ടുണ്ടെന്നും, നിലവില്‍ തിരക്കഥ എഴുതിക്കൊണ്ടിരിക്കുക ആണെന്നും മാര്‍വല്‍ സ്റ്റുഡിയോസിന്റെ പ്രസിഡന്റ് എന്റര്‍ട്ടെയിന്‍മെന്റ് വീക്കിലിക്ക് നല്‍കിയ അഭിമുഖത്തില്‍ പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
‘ഞങ്ങള്‍ക്ക് കഥ ലഭിച്ചിട്ടുണ്ടെന്ന് മാത്രമെ എനിക്കിപ്പോള്‍ പറയാന്‍ കഴിയു. ഞങ്ങള്‍ക്ക് ഈ സിനിമയെ കുറിച്ച് വലിയ ഐഡിയകളാണ് ഉള്ളത്. തിരക്കഥാകൃത്തുക്കള്‍ കഥ എഴുത്തിലാണിപ്പോള്‍’ , എന്നാണ് അഭിമുഖത്തില്‍ കെവിന്‍ ഫെയിജ് പറഞ്ഞത്.
ടോം ഹോളണ്ട് മുന്‍ സ്‌പൈഡര്‍ മാന്‍മാരായ ടോബി മഗ്വിയര്‍, ആന്‍ഡ്രൂ ഗാര്‍ഫീല്‍ഡ് എന്നിവരുമായി വീണ്ടും പുതിയ ചിത്രത്തില്‍ ഒന്നിക്കുമോ എന്നതിനെ കുറിച്ച് റിപ്പോര്‍ട്ടുകള്‍ വന്നിട്ടില്ല.
കൊവിഡിന് ശേഷം ബോക്‌സ് ഓഫീസില്‍ വന്‍ വിജയം നേടിയ ചിത്രമായിരുന്നു മാര്‍വലിന്റെ ‘സ്‌പൈഡര്‍ മാന്‍; നോ വേ ഹോം’. ആഗോള ബോക്‌സ് ഓഫീസില്‍ 1 ബില്യണിന് മുകളിലായിരുന്നു ചിത്രത്തിന്റെ കളക്ഷന്‍.
