തിരുവനന്തപുരം: സംവിധായകൻ ശ്രീകുമാർ മേനോനെതിരായ ലൈംഗിക പീഡനപരാതി കേസില്‍, പരാതിക്കാരിയുടെ വിശദമായ മൊഴി ഇന്നെടുക്കും. ഓണ്‍ലൈൻ വഴിയാണ് മൊഴിയെടുപ്പ് നടത്തുക. ഡിസിപി ഐശ്വര്യ ഡോംഗ്രയാണ് മൊഴിയെടുക്കുന്നത്.
Advertisements
ബാബുരാജിനെതിരായ കേസില്‍ വിശദമായ മൊഴിയെടുത്ത ശേഷം മാത്രം എഫ്‌ഐആർ രജിസ്റ്റർ ചെയ്യും. നടൻ ബാബുരാജിനും ശ്രീകുമാർ മേനോനുമെതിരെ ആരോപണം ഉന്നയിച്ച ജൂനിയർ ആർടിസ്റ്റ് ഇ മെയില്‍ വഴി പൊലീസിന് പരാതി നല്‍കിയിരുന്നു. പ്രത്യേക അന്വേഷണ സംഘത്തിനാണ് പരാതി നല്‍കിയത്. അന്വേഷണ ഉദ്യോഗസ്ഥർ നടിയെ ഫോണില്‍ ബന്ധപ്പെട്ടിരുന്നു. കേരളത്തിന് പുറത്താണെന്നും നാട്ടിലെത്തിയാല്‍ ഉടൻ മൊഴി നല്‍കുമെന്നും ജൂനിയർ ആർട്ടിസ്റ്റ് മറുപടി നല്‍കിയിരുന്നു.
