തലയോലപ്പറമ്പ്: എസ്.എൻ.ഡി.പി. യോഗം കെ. ആർ. നാരായണൻ സ്മാരക തലയോലപ്പറമ്പ് യൂണിയനിലെ 4157 -ാം നമ്പർ കരിപ്പാടം ശാഖയിൽ ഫെബ്രുവരി 11, 12 , 13 തീയതികളിൽ നടക്കുന്ന ശ്രീനാരായണ ഗുരുദേവ വിഗ്രഹ പ്രതിഷ്ഠാ വാർഷിക ആഘോഷങ്ങുകളുടെ ഉദ്ഘാടനം യൂണിയൻ സെക്രട്ടറി അഡ്വ: എസ്.ഡി. സുരേഷ്ബാബു ഭദ്രദീപം കൊളുത്തി ഉദ്ഘാടനം ചെയ്തു. ശാഖാ പ്രസിഡൻറ് ബേബി ആനിക്കാട് അദ്ധ്യക്ഷത വഹിച്ച യോഗത്തിന് സെക്രട്ടറി ഹർഷൻ ആശാരി പറമ്പിൽ സ്വാഗതം ആശംസിച്ചു.
തുടർന്ന് വൈക്കം സബ് ജില്ലാ കലോത്സവത്തിൽ പങ്കെടുത്ത നാല് ഇനങ്ങളിലും സമ്മാനം നേടിയ കുമാരി എ. ജെ. ഗൗരിയെ അവാർഡ് നൽകി ആദരിച്ചു. ഗുരുദേവ ദർശനങ്ങളെ ആസ്പദമാക്കി ധന്യ ബെൻസാൽ പ്രഭാഷണം നടത്തി. വനിതാ സംഘം പ്രസിഡൻറ് ഷൈനി വിനോദ്, സെക്രട്ടറി സുധി ഷിബു, മുൻ സെക്രട്ടറി രാജപ്പൻ ചൈതന്യ, മുതിർന്ന അംഗം തങ്കപ്പൻ ഇടയപ്പറമ്പ് തുടങ്ങിയവർ പങ്കെടുത്തു. ശാഖാ കമ്മറ്റിയംഗം ഇ. ആർ. നടേശൻ കൃതജ്ഞത രേഖപ്പെടുത്തി. തടർന്ന് അത്താഴ ഊട്ടും കലാപരിപാടികളും ഉണ്ടായിരുന്നു.
