സ്പോർട്സ് ഡെസ്ക്ക് : മധ്യനിര ബാറ്റർ ശ്രേയസ് അയ്യർ ഇംഗ്ലണ്ടിനെതിരായ അവസാന 3 ടെസ്റ്റ് മത്സരങ്ങള്‍ക്ക് ഉണ്ടാകില്ല. ശ്രേയസ് അയ്യറിന് പരിക്ക് ആണെന്നും താരം അവസാന മൂന്ന് ടെസ്റ്റുകളില്‍ നിന്ന് മാറി നില്‍ക്കും എന്നുമാണ് റിപ്പോർട്ട്.അവസാന മൂന്ന് ടെസ്റ്റുകള്‍ക്ക് ഉള്ള ഇന്ത്യൻ ടീം ഇന്ന് പ്രഖ്യാപിക്കാൻ ഇരിക്കെയാണ് ഈ റിപ്പോർട്ട്. മോശം ഫോം കാരണം ശ്രേയസ് അയ്യർ ടീമില്‍ നിന്ന് പുറത്താകുമെന്ന വാർത്തകർ വരുന്നതിനിടയില്‍ ആണ് താരത്തിന് പരിക്കാണെന്ന വാർത്തകളും പുറത്ത് വരുന്നത്. നേരത്തെ ഏഷ്യൻ കപ്പിനു മുൻപ് പരിക്ക് കാരണം ദീർഘകാലം ശ്രേയസ് അയ്യർക്ക് പുറത്തിരിക്കേണ്ടി വന്നിരുന്നു. ഏകദിനത്തില്‍ ശ്രേയസ് ഫോമില്‍ എത്തിയിരുന്നു എങ്കിലും ടെസ്റ്റില്‍ താരത്തിന് ദീർഘകാലമായി ഒരു അർധ സെഞ്ച്വറി പോലും നേടാൻ ആയിട്ടില്ല.
Advertisements
