സംസ്ഥാന ചലച്ചിത്ര അവാർഡ് വിതരണം ഇന്ന്; തിരുവനന്തപുരത്ത് താരപ്പകിട്ടാർന്ന സന്തോഷക്കാലം; നടക്കുന്ന കനത്ത മഴയെ തുടർന്ന് മാറ്റി വച്ച അവാർഡ് വിതരണം

തിരുവനന്തപുരം: സംസ്ഥാന ചലച്ചിത്ര അവാർഡുകളുടെ വിതരണച്ചടങ്ങ് ഇന്ന് തിരുവനന്തപുരത്ത്. നിശാഗന്ധി ഓഡിറ്റോറിയത്തിൽ വൈകിട്ട് ആറുമണിക്ക് മുഖ്യമന്ത്രി പിണറായി വിജയൻ പുരസ്‌കാരവിതരണം ഉത്ഘാടനം ചെയ്യും. കേരള സർക്കാരിന്റെ പരമോന്നത ചലച്ചിത്ര ബഹുമതിയായ ജെ.സി ഡാനിയേൽ അവാർഡ് സംവിധായകൻ കെ.പി കുമാരനും ടെലിവിഷൻ രംഗത്തെ സമഗ്ര സംഭാവനയ്ക്കുള്ള പ്രഥമ ലൈഫ്ടൈം അച്ചീവ്മെന്റ് അവാർഡ് മുതിർന്ന മാധ്യമപ്രവർത്തകൻ ശശികുമാറും ഏറ്റുവാങ്ങും.

മികച്ച നടനുള്ള അവാർഡ് ബിജു മേനോനും ജോജു ജോർജിനും, മികച്ച നടിക്കുള്ള അവാർഡ് രേവതിക്കും സമ്മാനിക്കും. മികച്ച സംവിധായകനുള്ള അവാർഡ് ദിലീഷ് പോത്തനാണ്. ആഗസ്റ്റ് മൂന്നിന് നിശ്ചയിച്ചിരുന്ന ചടങ്ങ് അതിതീവ്രമഴയുടെ പശ്ചാത്തലത്തിൽ മാറ്റിവെക്കുകയായിരുന്നു.